മികച്ച ഫോട്ടോകള് തേടി ആളുകള് യാത്ര ചെയ്യുന്ന കാലമാണിത്. സ്ഥലങ്ങള് കാണുക എന്നതിനപ്പുറം അവിടം ക്യാമറയില് പകര്ത്തുക എന്നതും ഇക്കാലത്തെ യാത്രകളുടെ പ്രത്യേകതയാണ്. റൈഡിങ്ങിനോടൊപ്പം ഫോട്ടോഗ്രഫിക്കും പറ്റിയ കേരളത്തിലെ കിടിലന് സ്ഥലങ്ങള് പരിചയപ്പെടാം...
തിരുവനന്തപുരം ജില്ലയിലെ പ്രശസ്ത ഹില് സ്റ്റേഷനായ പൊന്മുടി സഞ്ചാരികള്ക്കിടയില് പ്രശസ്തിയാര്ജിച്ച മറ്റൊരു സ്ഥലമാണ്. കേരളത്തിലെ ഏറ്റവും പേരുകേട്ട സ്ഥലമായ ഇവിടേക്കുള്ള യാത്ര തന്നെ മികച്ച അനുഭവമാണ്. തേയിലത്തോട്ടങ്ങളും ഹെയര് പിന് റോഡുകളുമെല്ലാമാണ് ഇവിടുത്തെ ആകര്ഷണം.
കേട്ടുപഴകിയെങ്കിലും അത്ഭുതങ്ങള്ക്കും കാഴ്ചകള്ക്കും ഒരു പഞ്ഞവുമില്ലാത്ത സ്ഥലമാണ് മൂന്നാര്. എങ്ങോട്ടു തിരിഞ്ഞാലും ഒരു കിടിലന് ഫ്രെയിമിനുള്ള വകയുണ്ടാകും ഇവിടെ.
കണ്ണൂര് കാത്തുസൂക്ഷിച്ചിരുന്ന അത്ഭുതങ്ങളില് ഉള്പ്പെടുന്ന സ്ഥലമാണ് പൈതല്മല. കേരളത്തിന്രെ കൂര്ഗ് എന്നറിയപ്പെടുന്ന ഇവിടം സമുദ്രനിരപ്പില് നിന്നും 4500 അടി ഉയരത്തിലാണ് സ്ഥിതി ചെയ്യുന്നത്.
സഞ്ചാരികള്ക്കിടയില് പെട്ടന്ന് ഉയര്ന്നുവന്ന സ്ഥലമാണ് കണ്ണൂരിലെ പാലക്കയം തട്ട്. പ്രകൃതി ഭംഗികകൊണ്ടും ഉയരത്തിലെ കാഴ്ചകള്കൊണ്ടും ഇവിടം ഏറെ പ്രശസ്തമാണ്.
ഇടുക്കിയുടെ സൗന്ദര്യം വിളിച്ചുപറയുന്ന മറ്റൊരു സ്ഥലമാണ് രാമക്കല്മേട്. കാഴ്ചകള് കൊണ്ട് സഞ്ചാരികളെ അതിശയിപ്പിക്കുന്ന ഇവിടെ നിന്നുള്ള തമിഴ്ഗ്രാമങ്ങളുടെ കാഴ്ച അതിമനോഹരമാണ്
ഇടുക്കിയുടെ മറ്റൊരു മുഖം കാണിച്ചു തരുന്ന സ്ഥലമാണ് വട്ടവട. ശീതകാല പച്ചക്കറികള് കൃഷി ചെയ്യുന്ന ഇവിടെ തട്ടുതതട്ടായാണ് കൃഷിയിടങ്ങള് ഒരുക്കിയിരിക്കുന്നത്. പാമ്പാടുംഷോല ദേശീയോദ്യാനത്തിലൂടെയുള്ള യാത്ര ഇവിടുത്തെ പ്രത്യേകതയാണ്.