സൂര്യരാശികൾക്ക് യാത്രയെ പ്രവചിക്കുവാൻ സാധിക്കുമോ??
വിശ്വസിക്കുന്നതും വിശ്വസിക്കാത്തതും ഓരോരുത്തരെയും ആശ്രയിച്ചിരിക്കുന്നുവെങ്കിലും ഓരോ രാശിയുടെയും പ്രത്യേകതകൾക്കനുസരിച്ച് പോകുവാൻ സാധിക്കുന്ന സ്ഥലങ്ങളുണ്ട്. മാത്രമല്ല, നിങ്ങൾ ഏതു തരത്തിലുള്ള സഞ്ചാരിയാണെന്നു മനസ്സിലാക്കി നിങ്ങളുടെ യാത്രാ താല്പര്യങ്ങളും സൂര്യരാശി പറയാറുണ്ട്. ഇതാ 2023 ലെ സൂര്യരാശിയനുസരിച്ച് നിങ്ങളുടെ യാത്രകൾ എങ്ങോട്ടേയ്ക്കാണ് എന്നു നോക്കാം...
സാജിറ്റേറിയയസ് (നവംബര് 22- ഡിസംബര് 21)
എങ്ങനെയും യാത്ര ചെയ്യണമെന്ന് ആഗ്രഹിക്കുന്നവരാണ് സാജിറ്റേറിയസുകാർ. പ്രത്യേകിച്ചൊരു ലക്ഷ്യസ്ഥാനം മുന്നിൽക്കണ്ടല്ലെങ്കിലും മനസ്സുപറയുന്ന പോലെ നടക്കുവാനും അലഞ്ഞുതിരിയുവാനും ഇവരെക്കഴിഞ്ഞേ ആളുകളുള്ളൂ. സാഹസികതയ്ക്കും യാത്രയോടുള്ള ഇഷ്ടത്തിനും പേരുകേട്ട ഉവർ ഹൈക്കിംഗ്, ക്യാമ്പിംഗ് തുടങ്ങിയ ആക്റ്റിവിറ്റികൾക്ക് പറ്റിയ സ്ഥലങ്ങളായ സ്വിറ്റ്സർലൻഡ്, ഡെന്മാർക്ക്, ജപ്പാൻ തുടങ്ങിയ സ്ഥലങ്ങൾ തിരഞ്ഞെടുക്കാം.
ജീവിതത്തിൽ സ്ഥിരതയും നേട്ടങ്ങളും ഉയർത്തിപ്പിടിക്കുന്ന രാശിക്കാരാണ് കാപ്രിക്കോണ്. അതുകൊണ്ടുതന്നെ ഇത്തരത്തിലുള്ള സ്ഥലങ്ങൾ വേണം യാത്രയിലും തിരഞ്ഞെടുക്കുവാൻ. പുതിയതായി എന്തെങ്കിലും പഠിക്കുവാനോ മനസ്സിലാക്കുവാനോ കഴിയുന്ന തരത്തിലുള്ള ഇടങ്ങളിലേക്ക് 2023 ൽ ഈ രാശിക്കാർക്ക് പോകാം. ജർമ്മനി, ജപ്പാൻ, കാനഡ എന്നിവയെല്ലാം ഇവർക്കു പറ്റിയ സ്ഥലങ്ങളാണ്. ചരിത്രവും സംസ്കാരവും ഇഷ്ടപ്പെടുന്ന ഇവർക്ക് ആ തരത്തിലുള്ള ഇടങ്ങളും യാത്രയിൽ തിരഞ്ഞെടുക്കാം. വ്യത്യസ്ത സംസ്കാരങ്ങളെയും ആചാരങ്ങളെയും കുറിച്ച് പഠിക്കുന്നത് ഇവർ ആസ്വദിക്കുന്നു.
അക്വേറിയസ് (ജനുവരി 20-ഫെബ്രുവരി 18)
കൗതുകവും പുതിയവയോടുള്ള അടങ്ങാത്ത അഭിനിവേശവുമാണ് അക്വേറിയസ് രാശിക്കാരുടെ പ്രത്യേകത. പുതിയതും ആവേശകരവുമായ സ്ഥലങ്ങളിലേക്ക് ആണ് ഇവർ എല്ലായ്പ്പോഴും പോകുവാൻ ആഗ്രഹിക്കുന്നത്. പുതിയ ആളുകളെ കണ്ടുമുട്ടാനും പുതിയ സുഹൃത്തുക്കളെ ഉണ്ടാക്കാനും ഇവർക്ക് പ്രത്യേക കഴിവാണ്.
ബൾഗേറിയ, ബെൽജിയം, ചെക്ക് റിപ്പബ്ലിക് പോലുള്ള രാജ്യങ്ങൾ 2023 ലെ ഇവരുടെ യാത്രാ മോഹങ്ങളെ തൃപ്തിപ്പെടുത്തുവാൻ പോന്നവയാണ്.
പിസസ്(ഫെബ്രുവരി 19- മാര്ച്ച് 20)
തങ്ങളുടെ യാത്രാ മോഹങ്ങളെ പൂർണ്ണമാക്കുന്ന സ്ഥലങ്ങളാണ് പിസസ് രാശിക്കാർ തിരഞ്ഞെടുക്കുന്നത്. വളരെ റൊമാന്റിക് ആയ രാശിക്കാരാണിവർ. യാത്രകളിൽ സ്വപ്നതുല്യമായ ലക്ഷ്യസ്ഥാനങ്ങള്ക്കാണ് ഇവർ പ്രാധാന്യം നല്കുന്നത്. ഹവായ്, പാരീസ്, ലണ്ടൻ, ഇസ്താംബൂൾ തുടങ്ങിയ സ്ഥലങ്ങൾ യാത്രയിൽ തിരഞ്ഞെടുക്കാം.