വാഗമണ്ണെന്നു കേള്ക്കുമ്പോള് തന്നെ ഇടനെഞ്ചില് ഒരു കുളിരും മനസ്സില് ഇത്തിരി നൊസ്റ്റാള്ജിയയും തോന്നാത്തവര് ആരുമുണ്ടെന്ന് തോന്നുന്നില്ല.
കൂട്ടുകാരുടെകൂടെ ഒന്നു പുറത്തിറങ്ങീട്ട് ഇപ്പോ വരാം എന്നു പറഞ്ഞുപോകുന്ന പോക്ക് വാഗമണ്കുന്നില് അവസാനിപ്പിക്കുന്നവര് ഇപ്പോഴും ധാരാളമുണ്ട്.
വാഗമണ്ണില് കാലു കുത്താത്തവരുടെയും അവിടുത്തെ കോടമഞ്ഞില് ഇറങ്ങാത്തവരുടെയും മനസ്സില് എന്നും കാണുന്ന ചോദ്യമാണ് വാഗമണ്ണില് പോയിട്ട് എന്താണിത്രമാത്രം കാണാനുളളതെന്ന്? ഒരിക്കലും പറഞ്ഞുഫലിപ്പിക്കാന് കഴിയാത്ത ഒരു ഉത്തരമായിരിക്കും അത്. കാരണം, ഒരിക്കലെങ്കിലും വാഗമണ്ണില് പോയിട്ടുള്ളവര്ക്ക് അറിയാം ഇവിടുത്തെ കാറ്റാണ് കാറ്റെന്നും മലമൂടും മഞ്ഞാണ് മഞ്ഞെന്നും... മണ്ണറിഞ്ഞ്..മഴയറിഞ്ഞ്..
മഴയും മഞ്ഞും കാറ്റും ഹരമായിട്ടുള്ളവരുടെ പ്രിയപ്പെട്ട വാഗമണ്ണിനെ അറിയാം...
PC: Anoop Joy
മൊട്ടക്കുന്ന്
വാഗമണ്ണിനെ വാഗമണ്ണാക്കിയതിന്റെല ക്രെഡിറ്റ് മുഴുവന് അര്ഹമായ സ്ഥലമാണ് മൊട്ടക്കുന്ന്. പച്ചനിറത്തില് മൊട്ടയടിച്ചതുപോലെ കണ്ണെത്താദൂരത്തില് പരന്നു കിടക്കുന്ന കുന്നുകള് നിരവധി സിനിമകള്ക്കും ലൊക്കേഷനായിട്ടുണ്ട്.
മറ്റു മരങ്ങളൊന്നുമില്ലാത്തതിനാല് മഴക്കാലങ്ങളില് ഏറ്റവുമധികം ഇടിവെട്ടേല്ക്കുന്ന സ്ഥലമായതുകൊണ്ട് വൈകിട്ട് അഞ്ച് മണിക്കു ശേഷം ഇവിടേക്ക് പ്രവേശനം അനുവദിക്കാറില്ല.
PC: Ragul.r
കുരിശുമല ആശ്രമം
ക്രിസ്തീയ വിശ്വാസികളുടെ തീര്ഥാടനകേന്ദ്രങ്ങളില് പ്രധാനപ്പെട്ട ഒരിടമാണ് ശാന്ത സുന്ദരമായ കുരിശുമല ആശ്രമം. 12 ചെറിയ കുന്നുകള് കൂടിയുണ്ടായിരിക്കുന്ന കുരിശുമലയില് വിശ്വാസത്തിന്റെ ഭാഗമായി കുരിശിന്റെ വഴി നടത്താന് വിശ്വാസികള് എത്താറുണ്ട്.
സീറോ മലങ്കര കത്തോലിക്കാ ചര്ച്ചിന്റെ കീഴിലുള്ള ഈ ആശ്രമം 1958ലാണ് സ്ഥാപിക്കുന്നത്. ഇവിടുത്തെ സന്യാസിമാരുടെ നേതൃത്വത്തില് ഒരു ഡയറി
ഫാമും ഇവിടെ പ്രവര്ത്തിക്കുന്നുണ്ട്.
PC: Sajetpa
മതങ്ങളുടെ ഐക്യകേന്ദ്രം
തങ്ങള്മല, മുരുകന് മല, കുരിശുമല എന്നീ മൂന്നു മലകളാല് ചുറ്റപ്പെട്ടു കിടക്കുന്ന വാഗമണ് മതസൗഹാര്ദ്ദത്തിനു പേരുകേട്ടയിടമാണ്. തീര്ഥാടക പ്രാധാന്യമുള്ള ഈ മൂന്നുമലകളിലും നിരവധി ആളുകള് എത്താറുണ്ട്.
PC:Sajetpa
കാലാവസ്ഥ
സമുദ്രനിരപ്പില് നിന്നും 1100 അടി ഉയരത്തിലുള്ള വാഗമണ്ണില് തണുപ്പുള്ള കാലാവസ്ഥയാണ് എല്ലായ്പ്പോഴും അനുഭവപ്പെടുന്നത്. വേനല്ക്കാലങ്ങളില് പകല്സമയം 10 മുതല് 23 ഡിഗ്രി സെല്ഷ്യസ് വരെ ഉയരാറുണ്ട്.
PC: shankar s.
എത്തിച്ചേരാന്
കോട്ടയം ജില്ലയിലെ പാലായില് നിന്ന് ഈരാറ്റുപേട്ട-തീക്കോയി വഴിയാണ് വാഗമണ്ണില് എത്തിച്ചേരാന് ഏറ്റവുമെളുപ്പം. ഈ വഴി 37 കിലോമീറ്ററാണ് ദൂരം. തൊടുപുഴയില് നിന്നും 43 കിലോമീറ്ററും കുമളിയില് നിന്ന് 45 ഉം കോട്ടയത്തു നിന്ന് 65 ഉം കിലോമീറ്റര് യാത്ര ചെയ്യണം ഇവിടെയെത്താന്.