വേളാങ്കണ്ണിയില് മറ്റൊരു തിരുന്നാള്ക്കാലത്തിനു കൊടിയേറിയിരിക്കുകയാണ്. .. ജാതിമതവ്യത്യാസമില്ലാതെ തങ്ങളുടെ കണ്ണുനീര് തുടച്ച്, ദുരിതക്കയത്തില് നിന്നും കരകയറ്റിയ മാതാവിന്റെ മുന്നിലെത്തി പ്രാര്ത്ഥിക്കുവാനായി ലക്ഷക്കണക്കിന് വിശ്വാസികളാണ് ഓരോ വാര്ഷിക പെരുന്നാള് ആഘോഷങ്ങള്ക്കും ഇവിടെയെത്തുന്നത്. കിഴക്കിന്റെ ലൂര്ദ്ദ് എന്നു വിശേഷിപ്പിക്കപ്പെടുന്ന വേളാങ്കണ്ണി ആരോഗ്യമാതാവിന്റെ ദേവാലയം ഏറ്റവുമധികം വിശ്വാസികളെത്തിച്ചേരുന്ന തീര്ത്ഥാടന കേന്ദ്രം കൂടിയാണ്.
വേളാങ്കണ്ണി പെരുന്നാളിനോടനുബന്ധിച്ച് തിരുവനന്തപുരത്ത് നിന്ന് വേളാങ്കണ്ണിയിലേക്ക് ബുധനാഴ്ച ദിവസങ്ങളില് സ്പെഷ്യൽ ട്രെയിൻ സർവ്വീസ് നടത്തും. തിരുവനന്തപുരത്ത് നിന്ന് വൈകിട്ട് 3.25 ന് പുറപ്പെടുന്ന ട്രെയിന് ബാലരാമപുരം, നെയ്യാറ്റിന്കര, പാറശ്ശാല, നാഗര്കോവില്, വള്ളിയൂര്. തിരുനെല്വേലി, വിരുദ്നഗര്, മധുരെ, ഡിണ്ടിഗല്,തിരുച്ചിറപ്പള്ളി, തഞ്ചാവൂര് വഴി പിറ്റേദിവസം അതായത് വ്യാഴാഴ്ച വേളാങ്കണ്ണിയിലെത്തും.
ട്രിച്ചി വഴി പോകുന്ന പ്രതിദിന ട്രെയിനാണിത്. ഇതിൽ കയറി നാഗപട്ടിണത്ത് ഇറങ്ങാം. ഇതിന്ഇ കണക്ഷനായി DEMU സർവീസ് ഉണ്ട്. അല്ലെങ്കിൽ നാഗപട്ടണത്തു നിന്നും ഓട്ടോയ്ക്കോ ബസിനോ പോകുവാനുള്ള ദൂരമേയുള്ളൂ വേളാങ്കണ്ണി പള്ളിയിലേക്ക്.
മംഗലാപുരം -ചെന്നൈ എഗ്മൂർ ട്രെയിനിൽ ട്രിച്ചിയിൽ ഇറങ്ങി കണക്ഷൻ ട്രെയിനിൽ വേളാങ്കണ്ണിക്ക് പോകാം
ചങ്ങനാശ്ശേരി- വേളാങ്കണ്ണി ബസ്
ങ്ങനാശേരിയില് നിന്നും കോട്ടയം, തൃശൂര്, പാലക്കാട്, പളനി, ട്രിച്ച്, തഞ്ചാവൂര് വഴി കെഎസ്ആര്ടിസിയുടെ സൂപ്പര് എക്സ്പ്രസ് എയര്ബസ് സര്വീസ് നടത്തുന്നുണ്ട്. ഉച്ചയ്ക്ക് 2.31ന് ചങ്ങനാശ്ശേരിയില് നിന്നും യാത്ര ആരംഭിക്കുന്ന ബസ് 3.01 ന് കോട്ടയത്തും 7.01 ന് തൃശൂരും 9.01ന് പാലക്കാടും പിറ്റേന്ന് പുലര്ച്ചെ 7.31ന് വേളാങ്കണ്ണിയിലുമെത്തും. ചങ്ങനാശേരിയില് നിന്ന് 17 മണിക്കൂറാണ് യാത്രാ സമയം. ടിക്കറ്റ് നിരക്ക് 718 രൂപ.
ചേർത്തല - അർത്തുങ്കൽ പള്ളി വഴി വേളാങ്കണ്ണി കെഎസ്ആര്ടിസിയുടെ സൂപ്പർഫാസ്റ്റ് സർവീസ്2:30 PM ന് ചേർത്തലയിൽ നിന്നും പുറപ്പെടും
ചെന്നൈ- വേളങ്കണ്ണി
തമിഴ്നാട് സ്റ്റേറ്റ് ട്രാൻസ്പോർട് കോർപറേഷൻ അറിയിച്ചു. സ്റ്റേറ്റ് എക്സ്പ്രസ് ട്രാൻസ്പോർട്ട് കോര്പ്പറേഷന്റെ നേതൃത്വത്തില് ചെന്നൈ ഉള്പ്പെടെയുള്ള സ്ഥലങ്ങളില് നിന്ന് വേളാങ്കണ്ണി പെരുന്നാളിനോട് അനുബന്ധിച്ച് സെപ്റ്റംബര് 11 വരെ പ്രത്യേക ബസ് സര്വീസുകള് നടത്തും. തിരുച്ചിറപ്പള്ളി, തഞ്ചാവൂർ, ചിദംബരം, പുതുച്ചേരി, ഡിണ്ടിഗൽ, മണപ്പാറ, ഒരിയൂർ, പട്ടുകോട്ടൈ എന്നിവിടങ്ങളില് നിന്നാണ് ടിഎൻഎസ്ടിസിയുടെ സര്വീസുകള് ഉള്ളത്.
സ്റ്റേറ്റ് എക്സ്പ്രസ് ട്രാൻസ്പോർട് കോർപറേഷൻ (എസ്ഇടിസി) ചെന്നൈ, ബെംഗളൂരു, തൂത്തുക്കുടി, കന്യാകുമാരി,നാഗർകോവിൽ എന്നിവിടങ്ങളിൽ നിന്നും വേളാങ്കണ്ണി സർവീസ് നടത്തും. ...
ബസ് പ്രത്യേകം ബുക്ക് ചെയ്തുപോകുവാനാഗ്രഹിക്കുന്നവര്ക്ക് കരാര് അടിസ്ഥാനത്തില് ബസ് സര്വീസുകളും എസ്ഇടിസി ഏര്പ്പെടുത്തിയിട്ടുണ്ട്. ഇതിന്റെ വിശദവിവരങ്ങള് വെബ്സൈറ്റില് ലഭ്യമാണ്.