കഴിഞ്ഞ രണ്ടുമൂന്നു വര്ഷങ്ങളായി മലയാളികളുടെ യാത്രാ ലിസ്റ്റിലേക്ക് പൊടുന്നനെ കയറിപ്പറ്റിയ ഇടമാണ് മലരിക്കല്. കൊല്ലങ്ങളായി മുടങ്ങാതെ പൂക്കുന്ന ആമ്പല്പ്പാടങ്ങള് കോട്ടയംകാര്ക്ക് പുത്തനല്ലെങ്കിലും പുറമേക്കാര്ക്ക് ഇതിനോട് അല്പം കൗതുകം കൂടുതലാണ്. ഇത്തവണയും കൗതുകം ഒട്ടും കുറയ്ക്കാതെ മലരിക്കലില് ആമ്പല് മൊട്ടിടുവാന് തുടങ്ങി. ജെ ബ്ലോക്ക് ഒൻപതിനായിരം പാടശേഖരത്തില് ആണ് ആമ്പല് വസന്തം കാത്തിരിക്കുന്നത്.