ബിഷ്ണുപൂരിലെ വാസ്തുവിദ്യാ വിസ്മയങ്ങള്‍

രസ്മന്‍ചാ

ബിഷ്ണുപൂരിലെ ഏറ്റവും പഴക്കം ചെന്ന ക്ഷേത്രങ്ങളിലൊന്നാണ് കൃഷ്ണന്റെയും രാധയുടെയും ക്ഷേത്രമായ രസ്മന്‍ചാ. പിരമിഡിന്റെ ആകൃതിയില്‍ നിര്‍മ്മിച്ചിരിക്കുന്ന ഈ ക്ഷേത്രം
എഡി 1600ല്‍ മല്ലാ ഭരണാധികാരിയായിരുന്ന ബിര്‍ ഹാമ്പര്‍ നിര്‍മ്മിച്ച ഈ ക്ഷേത്രം ഇപ്പോള്‍ ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യയുടെ കീഴില്‍ ഒരു സംരക്ഷക സ്മാരകമാണ്.

PC: Jonoikobangali

ജോര്‍ ബംഗ്ലാ ക്ഷേത്രം

1655 ല്‍ മല്ല രാജാവായ രഘുനാഥ് സിങ് നിര്‍മ്മിച്ച ജോര്‍ ബംഗ്ലാ ക്ഷേത്രം യഥാര്‍ഥ ബംഗാളി വാസ്തുവിദ്യയുടെ ഉദാഹരണമാണ്. രാമായണത്തിലെയും മഹാഭാരതത്തിലെയും കഥാസന്ദര്‍ഭങ്ങള്‍ കൊത്തിവെച്ചിരിക്കുന്ന ചുവരുകളാണ് ഈ ക്ഷേത്രത്തിന്റെ പ്രത്യേകത.

PC: SuparnaRoyChowdhury

പഞ്ചരത്‌ന ക്ഷേത്രം

1643 ല്‍ നിര്‍മ്മിക്കപ്പെട്ട ഈ ക്ഷേത്രത്തില്‍ ശ്രീകൃഷ്ണന്റെ ജീവിതത്തിലെ നിരവധി മുഹൂര്‍ത്തങ്ങള്‍ ടെറാകോട്ടയില്‍ പുനരാവിഷ്‌കരിച്ചിട്ടുണ്ട്.

PC: Khalidrahman

മദന്‍ മോഹന്‍ ക്ഷേത്രം

ബിഷ്ണുപൂരിലെ ഏറ്റവും പ്രശസ്തമായ ക്ഷേത്രങ്ങളിലൊന്നാണ് മദന്‍ മോഹന്‍ ക്ഷേത്രം. ഏക് രത്‌ന രീതിയില്‍ നിര്‍മ്മിച്ചിരിക്കുന്ന ഈ ക്ഷേത്രവും കൊത്തുപണികള്‍ക്ക് പേരുകേട്ടതാണ്.

PC: AsisKumar Sanyal

ലല്‍ജി ക്ഷേത്രം

കൃഷ്ണനും രാധയ്ക്കുമായി സമര്‍പ്പിച്ചിരിക്കുന്ന ലല്‍ജി ക്ഷേത്രം 1658 ലാണ് നിര്‍മ്മിക്കുന്നത്. വളരെ വ്യത്യസ്തമായ രീതിയില്‍ താഴികക്കുടത്തോടു കൂടിയാണ് ഈ ക്ഷേത്രം നിര്‍മ്മിച്ചിരിക്കുന്നത്.

PC: Sumit Surai

കലാചന്ദ് ക്ഷേത്രം

കൃഷ്ണലീലകളും രാമായണവും കൊത്തിവെച്ചിരിക്കുന്ന കലാചന്ദ് ക്ഷേത്രം 1656 ലാണ് നിര്‍മ്മിക്കുന്നത്. എക്-രത്‌ന ശൈലിയില്‍ നിര്‍മ്മിച്ചിരിക്കുന്ന ഈ ക്ഷേത്രത്തില്‍ ഇപ്പോള്‍ പ്രതിഷ്ഠകളൊന്നുമില്ല

PC: Ajit Kumar Majhi

ജോര്‍ മന്ദിര്‍

അടുത്തടുത്തായി സ്ഥിതി ചെയ്യുന്ന മൂന്ന് ക്ഷേത്രങ്ങളാണ് ജോര്‍ മന്ദിര്‍ എന്നറിയപ്പെടുന്നത്. 1726 ല്‍ നിര്‍മ്മിക്കപ്പെട്ട ഈ ക്ഷേത്രം ടെറാകോട്ടയില്‍ അതിമനോഹരമായാണ് നിര്‍മ്മിച്ചിരിക്കുന്നത്.

PC: Jonoikobangali

രാധാ മാധബ് ക്ഷേത്രം

മൂന്ന് ആര്‍ച്ചുകളോട് കൂടിയ പ്രവേശന കവാടമുള്ള രാദാ മാധബ് ക്ഷേത്രം ഏറെ നശിച്ച അവസ്ഥയിലാമെങ്കിലും കാഴ്ചയില്‍ മനോഹരമാണ് കാണാന്‍. തൂണുകളും കവാടങ്ങളും ഏറെ മനോഹരമായി കൊത്തുപണികള്‍ നടത്തിയിരിക്കുന്ന ഇവിടെയും രാമായണത്തിലെ സന്ദര്‍ഭങ്ങള്‍ കാണാന്‍ സാധിക്കും.

PC: SuparnaRoyChowdhury

നന്ദലാല്‍ ക്ഷേത്രം

പൂന്തോട്ടത്തിനു നടുവിലായി സ്ഥിതി ചെയ്യുന്ന നന്ദലാല്‍ ക്ഷേത്രം ബിഷ്ണുപൂരിലെ ഏഴ് എക്-രത്‌ന ക്ഷേത്രങ്ങളിലൊന്നാണ്. നിലവില്‍ ഈ ക്ഷേത്രത്തില്‍ പ്രതിഷ്ഠകളൊന്നുമില്ല. ഇവിടുത്തെ അപൂര്‍വ്വം ചില ക്ഷേത്രങ്ങളിലേതുപോലെ ഇതിന്റെ ഉള്‍ത്തളങ്ങളില്‍ പ്രത്യേകിച്ച് അലങ്കാരങ്ങള്‍ ഒന്നും തന്നെയില്ല.

PC: Jonoikobangali

രാധാ ഗോബിന്ദ ക്ഷേത്രം

1729 ല്‍ നിര്‍മ്മിക്കപ്പെട്ട രാധാ ഗോബിന്ദ ക്ഷേത്രം ഏറെ പ്രത്യേകതകളുള്ള ഒന്നാണ്. ജ്യാമിതീയ രൂപങ്ങളും ഫ്‌ളോറല്‍ പാറ്റേണുകളും ഒക്കെയാണ് ഇതിന്റെ പ്രത്യേകതകള്‍.

PC: Vikas Singh