ചെനാബ് റെയില്വേ പാലം.... ഇന്ത്യ ലോകത്തിനു മുന്നിലേക്ക് നിര്ത്തുന്ന എന്ജിനീയറിങ് വിസ്മയങ്ങളിലൊന്ന്... ലോകത്തിലെ ഏറ്റവും ഉയരത്തിലുള്ള ചെനാബ് റെയില്വേ പാലം കഴിഞ്ഞ ദിവസം വീണ്ടും വാര്ത്തകളില് ഇടം നേടിയിരുന്നു. ഇന്ത്യന് റെയില്വേ ട്വിറ്ററില് പങ്കുവെച്ച പാലത്തിന്റെ ഫോട്ടോകള് വളരെ വേഗമാണ് ഇന്ര്നെറ്റില് വൈറലായി മാറിയത്. നിര്മ്മാണം നടന്നുകൊണ്ടിരിക്കുന്ന പാലത്തിന്റെ കമാനങ്ങള് മേഘക്കടലില് മുങ്ങി നില്ക്കുന്ന രീതിയിലുള്ള അതിമനോഹരമായ കുറച്ച് ചിത്രങ്ങളായിരുന്നു റെയില്വേ പോസ്റ്റ് ചെയ്തത്
മഞ്ഞിനിടയില് നിന്നും ഉയര്ന്നുവന്നതുപോലെയെും ചക്രവാളത്തിന്റെ അതിരോളം നിണ്ടുനില്ക്കുന്ന പോലെയും തോന്നിപ്പിക്കുന്ന ചിത്രങ്ങള് മികച്ച അഭിപ്രായമാണ് നേടിയത്.
രാവും പകലും പണി
തൊഴിലാളികളുടെ രാവും പകലും നീണ്ടുനില്ക്കുന്ന അധ്വാനമാണ് നിര്മ്മാണം ഇത്രയും വേഗത്തിലാക്കുന്നതിന് സഹായിച്ചത്. 1300 തൊഴിലാളികളും 300 എൻജിനീയർമാരും ആണ് ഇതിന്റെ നിര്മ്മാണ പ്രവര്ത്തനങ്ങളില് പങ്കാളികളായത്. ഉത്തര റെയിൽവേക്കായിരുന്നു പ്രധാന നിര്മ്മാണ ചുമതലകള്.