Click it and Unblock the Notifications
ഇന്ന് (ഒക്ടോബർ 5) മുതൽ ഡൽഹി-രേവാരി റെയിൽ പാതയിൽ നാല് ദിവസത്തേക്ക് ട്രെയിൻ ഗതാഗതത്തിൽ തടസ്സം നേരിടും. ഡൽഹി സരായ് രോഹില്ലയ്ക്കും പാലത്തിനും ഇടയിൽ ഓട്ടോമാറ്റിക് സിഗ്നലിങ് സംവിധാനം സ്ഥാപിക്കുന്നതിന്റെ ഭാഗമായാണ് ഇന്ത്യൻ റെയിൽവേയുടെ ഈ നടപടി. ഒക്ടോബർ 7-ന് ആറ് മണിക്കൂർ നീളുന്ന ട്രാഫിക് ബ്ലോക്കും ഏർപ്പെടുത്തിയിട്ടുണ്ട്. ഇതിന്റെ ഭാഗമായി ഒക്ടോബർ 5 മുതൽ 8 വരെയുള്ള തീയതികളിലായി 24 ട്രെയിനുകൾ പൂർണമായി റദ്ദാക്കി. കൂടാതെ നിരവധി ട്രെയിനുകൾ വഴിതിരിച്ചുവിടുകയും സർവീസുകൾ ഭാഗികമായി വെട്ടിച്ചുരുക്കുകയും ചെയ്തിട്ടുണ്ട്. വന്ദേ ഭാരത് (VB), ഗരീബ് രഥ് (GR), ഡബിൾ ഡെക്കർ (DD), ജനശതാബ്ദി (JS) തുടങ്ങിയ പ്രീമിയം സർവീസുകളെയും ഇത് ബാധിക്കും.
തിരക്കേറിയ ഈ റെയിൽ പാതയിൽ സുരക്ഷ കൂട്ടുന്നതിനും ട്രെയിനുകൾ തമ്മിലുള്ള സമയവ്യത്യാസം കുറയ്ക്കുന്നതിനുമാണ് ഈ സാങ്കേതിക നവീകരണം. യാത്രക്കാർ നാഷണൽ ട്രെയിൻ എ എൻക്വയറി സിസ്റ്റം (NTES) ആപ്പ് വഴിയോ 139 എന്ന നമ്പറിലോ തങ്ങളുടെ പിഎൻആർ (PNR) വിവരങ്ങൾ വീണ്ടും പരിശോധിച്ച് ഉറപ്പുവരുത്തണം. പ്ലാറ്റ്‌ഫോമുകളിൽ മാറ്റം വരാൻ സാധ്യതയുള്ളതിനാൽ കൈയിൽ 45 മുതൽ 60 മിനിറ്റ് വരെ അധിക സമയം കരുതുന്നത് നന്നായിരിക്കും. ചില ട്രെയിനുകൾ ഡൽഹി-രോഹ്തക്-ഭിവാനി-രേവാരി വഴി വഴിതിരിച്ചുവിട്ടിട്ടുണ്ട്. യാത്ര പ്ലാൻ ചെയ്യുമ്പോൾ ന്യൂഡൽഹി, ഓൾഡ് ഡൽഹി, ഷാക്കൂർ ബസ്തി തുടങ്ങിയ മറ്റ് ഡൽഹി സ്റ്റേഷനുകളും പരിഗണിക്കാവുന്നതാണ്.
ഡൽഹി-രേവാരി റൂട്ട്: ഒക്ടോബർ 5 മുതൽ 8 വരെയുള്ള ട്രെയിൻ റദ്ദാക്കലുകളും വഴിതിരിച്ചുവിടലുകളും
| തീയതി | ട്രെയിൻ നമ്പർ | ട്രെയിൻ സർവീസ് | നിലവിലെ അവസ്ഥ |
|---|---|---|---|
| ഒക്ടോബർ 5 | 14087 | ഡൽഹി–ജൈസൽമർ എക്സ്പ്രസ് | റദ്ദാക്കി |
| ഒക്ടോബർ 6 | 12215 | ഡൽഹി സരായ് രോഹില്ല–ബാന്ദ്ര ടെർമിനസ് ഗരീബ് രഥ് (GR) | റദ്ദാക്കി |
| ഒക്ടോബർ 6 | 12216 | ബാന്ദ്ര ടെർമിനസ്–ഡൽഹി സരായ് രോഹില്ല ഗരീബ് രഥ് (GR) | റദ്ദാക്കി |
| ഒക്ടോബർ 6 | 14088 | ജൈസൽമർ–ഡൽഹി എക്സ്പ്രസ് | റദ്ദാക്കി |
| ഒക്ടോബർ 6 | 15307 | തിലക് ബ്രിഡ്ജ്–സിർസ | റദ്ദാക്കി |
| ഒക്ടോബർ 6 | 20983 | ഭുജ്–ഡൽഹി സരായ് രോഹില്ല | റദ്ദാക്കി |
| ഒക്ടോബർ 6 | 09523 | ഓഖ–സബർമതി | വഴിതിരിച്ചുവിട്ടു |
| ഒക്ടോബർ 6 | 14662 | ജമ്മു താവി–ബാഡ്മേർ | വഴിതിരിച്ചുവിട്ടു |
| ഒക്ടോബർ 6 | 19403 | ഭുജ്–ഡൽഹി | വഴിതിരിച്ചുവിട്ടു |
| ഒക്ടോബർ 6 | 14312 | ഭുജ്–ബറേലി | വഴിതിരിച്ചുവിട്ടു |
| ഒക്ടോബർ 6 | 09203 | വെരാവൽ–ഹരിദ്വാർ | വഴിതിരിച്ചുവിട്ടു |
| ഒക്ടോബർ 7 | 12985 | ജയ്പൂർ–ഡൽഹി സരായ് രോഹില്ല ഡബിൾ ഡെക്കർ (DD) | റദ്ദാക്കി |
| ഒക്ടോബർ 7 | 12986 | ഡൽഹി സരായ് രോഹില്ല–ജയ്പൂർ ഡബിൾ ഡെക്കർ (DD) | റദ്ദാക്കി |
| ഒക്ടോബർ 7 | 12065 | അജ്മേർ–ഡൽഹി സരായ് രോഹില്ല ജനശതാബ്ദി (JS) | റദ്ദാക്കി |
| ഒക്ടോബർ 7 | 12066 | ഡൽഹി സരായ് രോഹില്ല–അജ്മേർ ജനശതാബ്ദി (JS) | റദ്ദാക്കി |
| ഒക്ടോബർ 7 | 22452 | ചണ്ഡീഗഡ്–ബാന്ദ്ര ടെർമിനസ് എക്സ്പ്രസ് | റദ്ദാക്കി |
| ഒക്ടോബർ 7 | 15308 | സിർസ–തിലക് ബ്രിഡ്ജ് | റദ്ദാക്കി |
| ഒക്ടോബർ 7 | 26481 | ജോധ്പൂർ–ഡൽഹി കന്റോൺമെന്റ് വന്ദേ ഭാരത് (VB) | റദ്ദാക്കി |
| ഒക്ടോബർ 7 | 26482 | ഡൽഹി കന്റോൺമെന്റ്–ജോധ്പൂർ വന്ദേ ഭാരത് (VB) | റദ്ദാക്കി |
| ഒക്ടോബർ 7 | 20984 | ഡൽഹി സരായ് രോഹില്ല–ഭുജ് | റദ്ദാക്കി |
| ഒക്ടോബർ 7 | 64095 | ന്യൂഡൽഹി–ഷാക്കൂർ ബസ്തി പാസഞ്ചർ | റദ്ദാക്കി |
| ഒക്ടോബർ 7 | 74033 | ഡൽഹി സരായ് രോഹില്ല–ഫറൂഖ് നഗർ | റദ്ദാക്കി |
| ഒക്ടോബർ 7 | 74036 | ഫറൂഖ് നഗർ–ഡൽഹി സരായ് രോഹില്ല | റദ്ദാക്കി |
| ഒക്ടോബർ 7 | 54421 | ഡൽഹി–രേവാരി | റദ്ദാക്കി |
| ഒക്ടോബർ 7 | 54417 | ഡൽഹി–രേവാരി | റദ്ദാക്കി |
| ഒക്ടോബർ 7 | 74003 | ഡൽഹി–രേവാരി | റദ്ദാക്കി |
| ഒക്ടോബർ 7 | 74002 | രേവാരി–ഡൽഹി | റദ്ദാക്കി |
| ഒക്ടോബർ 7 | 54310 | ഹിസാർ–ഡൽഹി പാസഞ്ചർ | റദ്ദാക്കി |
| ഒക്ടോബർ 7 | 14321 | ബറേലി–ഭുജ് | വഴിതിരിച്ചുവിട്ടു |
| ഒക്ടോബർ 7 | 09524 | ഷാക്കൂർ ബസ്തി–ഓഖ | വഴിതിരിച്ചുവിട്ടു |
| ഒക്ടോബർ 7 | 20424 | പാതാൾകോട്ട് എക്സ്പ്രസ് (ഫിറോസ്പൂർ–സിവാനി) | വഴിതിരിച്ചുവിട്ടു |
| ഒക്ടോബർ 8 | 22451 | ബാന്ദ്ര ടെർമിനസ്–ചണ്ഡീഗഡ് എക്സ്പ്രസ് | റദ്ദാക്കി |
ഒക്ടോബർ 7-നാണ് ഗതാഗത തടസ്സം ഏറ്റവും രൂക്ഷമാകുക. അന്ന് വന്ദേ ഭാരത് (26481, 26482), ഡബിൾ ഡെക്കർ (12985, 12986), ജനശതാബ്ദി (12065, 12066) ട്രെയിനുകൾ സർവീസ് നടത്തില്ല. ഒക്ടോബർ 6-ന് രണ്ട് ഗരീബ് രഥ് സർവീസുകളും റദ്ദാക്കിയിട്ടുണ്ട്. രോഹ്തക്, ഭിവാനി വഴി വഴിതിരിച്ചുവിട്ട ട്രെയിനുകളിൽ യാത്ര ചെയ്യാൻ കൂടുതൽ സമയമെടുക്കുമെന്നതിനാൽ മറ്റ് പാതകളിൽ വലിയ തിരക്കിന് സാധ്യതയുണ്ട്.
ചില ട്രെയിൻ സർവീസുകളിൽ മാറ്റങ്ങളും വരുത്തിയിട്ടുണ്ട്. ട്രെയിൻ നമ്പർ 14030 ന്യൂഡൽഹിയിലും, 14029 രേവാരിയിലും യാത്ര അവസാനിപ്പിക്കും. 54411 നമ്പർ ട്രെയിൻ ന്യൂഡൽഹിയിൽ നിന്നായിരിക്കും യാത്ര തിരിക്കുക. ഒക്ടോബർ 5 രാവിലത്തെ ഔദ്യോഗിക റെയിൽവേ അറിയിപ്പ് പ്രകാരമുള്ള വിവരങ്ങളാണിത്. സ്റ്റേഷനിലേക്ക് തിരിക്കും മുൻപ് NTES ആപ്പ് വഴി വിവരങ്ങൾ ഉറപ്പുവരുത്തുക. കൂടാതെ ഡൽഹിയിലെ പ്രധാന ടെർമിനലുകളിലും ഗുഡ്ഗാവ് ഭാഗത്തുള്ള സ്റ്റേഷനുകളിലും പ്ലാറ്റ്‌ഫോം മാറ്റങ്ങൾക്ക് സാധ്യതയുള്ളതിനാൽ അതനുസരിച്ച് സമയം ക്രമീകരിക്കാൻ ശ്രദ്ധിക്കുക.
ഹ്യുണ്ടായിയുടെ 'ടർബോ ജോസ്' 55,000 രൂപ വിലക്കുറവിൽ