Click it and Unblock the Notifications
കാപ്പിക്കും സുഗന്ധവ്യഞ്ജനങ്ങള്ക്കും പേരുകേട്ട കൊടകിലെ ഒരു മനോഹരമായ പട്ടണമാണ് വീരാജ്പേട്ട. ഇവിടത്തെ അയ്യപ്പക്ഷേത്രം വളരെ പ്രസിദ്ധമാണ്. ശിവ - വിഷ്ണു സംയോഗഫലമായുണ്ടായ അയ്യപ്പസ്വാമിയാണ് ക്ഷേത്രത്തിലെ പ്രതിഷ്ഠ. ഹിന്ദുക്കളുടെ പ്രധാനപ്പെട്ട തീര്ത്ഥാടനകേന്ദ്രങ്ങളിലൊന്നാണ് ഈ ക്ഷേത്രം. വര്ഷം തോറും നിരവധി യാത്രികരാണ് വീരാജ്പേട്ട അയ്യപ്പക്ഷേത്രത്തിലെത്തുന്നത്.
വീരാജ്പേട്ട ടൗണിന്റെ മുഴുവന് കാഴ്ചകളും കാണാവുന്ന തരത്തില് മലത്തിക്കരെ എന്ന കുന്നിന് മുകളിലാണ് ഈ ക്ഷേത്രം സ്ഥിതിചെയ്യുന്നത്. വീരാജ്പേട്ടയില് നിന്നും എട്ടുകിലോമീറ്റര് ദൂരത്തിലാണ് കക്കോട്ട് പറമ്പ് എന്ന കുന്ന്. മനോഹരമായ പ്രകൃതിദൃശ്യങ്ങള് സമ്മാനിക്കുന്നതാണ് അര്ദ്ധ ഗോളാകൃതിയിലുള്ള ഈ കുന്ന്. സെന്റ് ആന്സ് ചര്ച്ചാണ് ഇവിടത്തെ മറ്റൊരു ആകര്ഷണകേന്ദ്രം.
രണ്ട് നൂറ്റാണ്ടുകള്ക്ക് മുമ്പ് ഫാദര് ഗള്ളിവനാണ് ഈ പള്ളി നിര്മിച്ചത്. ഗോതിക് നിര്മാണശൈലിയിലായിരുന്നു പള്ളിയുടെ പണികഴിപ്പിച്ചിരിക്കുന്നത്. നഗരത്തിന് നടുവിലുളള ക്ലോക്ക് ടവറും നിരവധി സഞ്ചാരികളെ ആകര്ഷിക്കുന്ന ഒന്നാണ്. ഗണേശ ക്ഷേത്രമാണ് വീരാജ് പേട്ടിലെ മറ്റൊരു ആകര്ഷണം. തടിയന്റമോളിലെത്തുന്ന സഞ്ചാരികള് വീരാജ്പേട്ടയിലെത്താതെ പോകുക അപൂര്വ്വമാണ്.
