ശിവന്റെ പുരാതനമായ ഏഴ് ക്ഷേത്രങ്ങളില്‍ ഒന്നാണ് ത്രിവതിനാഥ് ക്ഷേത്രം. ബറേലിയുടെ പ്രാന്തപ്രദേശങ്ങളിലാണ് ഈ ക്ഷേത്രം സ്ഥിതിചെയ്യുന്നത്. ത്രിവതിനാഥ് എന്ന പേരില്‍ വിളിക്കപ്പെടുന്ന ശിവനാണ് ഇവിടത്തെ പ്രധാന പ്രതിഷ്ഠ.ആല്‍മരത്തിന് കീഴില്‍വച്ചെ ശിവന്‍ ഒരു ആട്ടിടയന് പ്രത്യക്ഷപ്പെട്ടു എന്നാണ് ഈ സ്ഥലത്തെക്കുറിച്ചുള്ള ഐതിഹ്യം. ഉറക്കമുണര്‍ന്ന ആട്ടിടയന് സമീപത്ത് ഒരു ശിവലിംഗം ഉണ്ടായിരുന്നത്രേ. ഹിന്ദു കലണ്ടര്‍ അനുസരിച്ച് 1474 ലാണ് ഈ സംഭവം ഉണ്ടായത്. തുടര്‍ന്നാണ് ബാബ ത്രിവേതി നാഥനെ ലിംഗരൂപത്തില്‍ ഇവിടെ പൂജിച്ച് തുടങ്ങിയത്. വര്‍ഷം തോറും നിരവധി സഞ്ചാരികള്‍ ഈ ക്ഷേത്രത്തില്‍ എത്തുന്നു.