2006 മാര്ച്ചിലാണ് ഇത് സ്ഥാപിക്കപ്പെട്ടത്. ഭൂട്ടാനീസ് ലാമ, സോന്ഗ്സര് എഴുത്തുകാരനും ചലച്ചിത്രകാരനുമായ ക്യെന്ട്സെ റിംപോച്ചെ എന്നിവരാണ് ഈ ഇന്സ്റ്റിയൂട്ട് സ്ഥാപിച്ചത്. ഇന്ത്യയുടെ ശ്രേഷ്ഠമായ ബൗദ്ധിക പാരമ്പര്യത്തെക്കുറിച്ചുള്ള പഠനത്തിനായിട്ടാണ് ഈ സ്ഥാപനം തുടങ്ങിയത്. സിദ്ധാര്ത്ഥാസ് ഇന്റെന്റ് സൊസൈറ്റിയ്ക്ക് കീഴിലാണ് ഇത് പ്രവര്ത്തിക്കുന്നത്. ദലൈ ലാമയില് നിന്നും ഈസ്ഥാപനത്തിന് സഹായവും സഹകരണങ്ങളും ലഭിയ്ക്കുന്നുണ്ട്.
പൗരാണിക കാലത്തെ നളന്ദ സര്വ്വകലാശാലയുടെ ഉദ്യമം പൂര്ത്തിയാക്കുകയെന്ന ലക്ഷ്യത്തോടെയാണ് ഈ സ്ഥാപനം തുടങ്ങിയത്. പതിവായി പലവിഷയങ്ങളില് ശില്പശാലകളും പരിശീലനങ്ങളും മറ്റും ഇവിടെ നടക്കാറുണ്ട്.