ഈ പ്രദേശത്തെ ഏറ്റവും പ്രധാനപ്പെട്ട വിനോദസഞ്ചാര കേന്ദ്രമാണ് ഗംഗോത്രി ദേശീയ ഉദ്യാനം. ഇവിടെ എത്തുന്നവര് ഈ ദേശീയ ഉദ്യാനം ഉറപ്പായും സന്ദര്ശിച്ചിരിക്കണം. ഹര്സിലില് നിന്ന് 30 കിലോമീറ്റര് അകലെ സ്ഥിതി ചെയ്യുന്ന ഗംഗോത്രി ദേശീയ ഉദ്യാനം 1553 ചതുരശ്ര കിലോമീറ്ററില് വ്യാപിച്ചു കിടക്കുന്നു. വ്യത്യസ്തങ്ങളായ 15 ഇനം മൃഗങ്ങളും 150 തരം പക്ഷി വര്ഗ്ഗങ്ങളും ഈ ദേശീയ ഉദ്യാനത്തില് ഉണ്ട്. ഹിമപ്പുലി, ബ്രൗണ് ബിയര്, കസ്തൂരിമാന്, ഥാറുകള്, ഹിമാലയന് ബാര്ബെറ്റുകള്, കടുവകള്, സിറോകള്, ചകോരങ്ങള്, തിത്തിരിപക്ഷി, കോക്ലകള്, ഭരലുകള്, ഹിമാലയന് മൊണാലുകള്, പ്രാവുകള്, മാടപ്രാവുകള്, പരാകീറ്റുകള് തുടങ്ങിയ മൃഗങ്ങളെയും പക്ഷികളെയും ഇവിടെ കാണാവുന്നതാണ്.