Click it and Unblock the Notifications
തെക്കന്‍ ഒഡീഷയിലെ രണ്ടാമത്തെ വലിയ നഗരമാണ് 'സിറ്റി ഓഫ് വിക്ടറി' എന്നറിയപ്പെടുന്ന ജയ്പൂര്‍. കോരുപുത് ജില്ലയിലാണ് ജയ്പൂര്‍ സ്ഥിതി ചെയ്യുന്നത്. ഇടതൂര്‍ന്ന വനങ്ങളും, വെള്ളച്ചാട്ടങ്ങളും, പുല്‍മൈതാനങ്ങളും, താഴ്വരകളും ചേര്‍ന്ന് മനോഹരമായ കാഴ്ചയാണ് ഈ ദേശം സഞ്ചാരികള്‍ക്ക് മുന്നില്‍ അനാവരണം ചെയ്യുന്നത്.
ഇവിടെ ജീവിക്കുന്ന ജനങ്ങളില്‍ ഭൂരിഭാഗവും ഗോത്രവിഭാഗത്തില്‍ പെട്ടവരാണ്. കിഴക്കന്‍ പര്‍വ്വതനിരകളായ അരകു കുന്നുകള്‍ ജയ്പൂരിന്‍റെ മൂന്ന് ഭാഗങ്ങളും വലയും ചെയ്യുന്നു. അങ്ങനെ ഈ പ്രദേശത്തിന് യു എന്ന ഇംഗ്ലീഷ് അക്ഷരത്തിന്‍റെ രൂപം കൈവരുന്നു. ഇവിടം പ്രകൃതിസ്നേഹികളെ സംബന്ധിച്ചിടത്തോളം ശരിക്കും ഒരു സ്വര്‍ഗ്ഗം തന്നെയാണ്.
കാഴ്ചകള്‍
ശക്തി, ബാഗര, ദുദുമ തുടങ്ങിയ വലിയ വെള്ളച്ചാട്ടങ്ങള്‍ ഏറെ സഞ്ചാരികളെ ആകര്‍ഷിക്കുന്നവയാണ്. മനോഹരമായ ഡിയോമാലി പര്‍വ്വതം, ഹരിതാഭയാര്‍ന്ന സുനാബേദ വന്യജീവി സങ്കേതം, കൊലാബ് നദി, ആകര്‍ഷകമായ കോരപുത് നഗരം എന്നിവ ജയ്പൂരിലെ പ്രധാന കാഴ്ചകളാണ്.
മാലിഗുരയിലെ ബ്രോഡ് ഗേജ് ടണല്‍, നന്ദ്പൂരിലെ ബട്രിസ സിംഹാസനം, ജയ്പൂര്‍ പാര്‍ക്ക്, ചെറുടൗണായ മിന്നജോല എന്നിവയും ജയ്പൂര്‍ ടൂറിസത്തില്‍ സ്ഥാനമുള്ളവയാണ്. ഇവ കൂടാതെ അനേകം പുരാതനമായ കൊട്ടാരങ്ങളും, കോട്ടകളും ജയ്പൂരിലെത്തുന്ന സഞ്ചാരികളെ കാത്തിരിക്കുന്നു.
എങ്ങനെ എത്തിച്ചേരാം?
ജയ്പൂരില്‍ നിന്ന് 237 കിലോമീറ്റര്‍ അകലെയുള്ള വിശാഖപട്ടണത്താണ് അടുത്തുള്ള എയര്‍പോര്‍‌ട്ട്. യാത്രക്കാര്‍ക്ക് ബസിലോ, ട്രെയിനിലോ മനോഹരമായ പ്രകൃതി ദൃശ്യങ്ങളും, ആരകു പര്‍വ്വതങ്ങളും കണ്ട് ജയ്പൂരിലെത്താം.
സന്ദര്‍ശന യോഗ്യമായ കാലം
ശൈത്യകാലമാണ് ജയ്പൂര്‍ സന്ദര്‍ശനത്തിന് അനുയോജ്യം.
