എല്ലാ പ്രായക്കാര്ക്കും യോജിച്ച ഒരു സ്ഥലമാണ് ഗാന്ധി റോഡിലെ ഗവണ്മെന്റ് മ്യൂസിയം. 1993ല് സ്ഥാപിക്കപ്പെട്ട ഈ മ്യൂസിയം ഓരോ വര്ഷവും വളരുകയാണ്. തമിഴ്നാടിന്റെ സംസ്കാരം, കല, പാരമ്പര്യം, ചരിത്രം എന്നിവയിലേക്കെല്ലാം ഒരു എത്തിനോട്ടം സാധ്യമാക്കുന്നതാണ് ഇവിടുത്തെ സന്ദര്ശനം.
ഗവണ്മെന്റ് മ്യൂസിയം വിനോദത്തിന് മാത്രമല്ല അറിവിനും കൂടിയുള്ളതാണ്. ആഗോളവത്കരണം മായ്ച്ച് കളയുന്ന സ്വാഭാവികവും വസ്തുനിഷ്ഠവുമായ ചരിത്ര-സംസ്കാര സാക്ഷ്യങ്ങള് നിങ്ങള്ക്കിവിടെ കാണാനാവും. ചരിത്രമൂല്യമുള്ള വസ്തുക്കള് ഇവിടെ ശേഖരിച്ച് വര്ഗ്ഗീകരണം നടത്തി സൂക്ഷിക്കുന്നു. നരവംശസാസ്ത്രം, സസ്യശാസ്ത്രം, പുരാവസ്തുശാസ്ത്രം, ഭൂമിശാസ്ത്രം, കുട്ടികളുടെ ഗാലറി, പെയിന്റിംഗ് ഗാലറി തുടങ്ങിയ വിഭാഗങ്ങള് ഈ മ്യൂസിയത്തിലുണ്ട്.
രാവിലെ 9.30 മുതല് വൈകിട്ട് 5 മണി വരെ മ്യൂസിയം പ്രവര്ത്തിക്കും. വെള്ളിയാഴ്ചകളും, രണ്ടാം ശനിയാഴ്ചകളും, പൊതു അവധിദിനങ്ങളുമൊഴിച്ച് എല്ലാ ദിവസവും ഇവിടം തുറന്ന് പ്രവര്ത്തിക്കും. മ്യൂസിയത്തിനുള്ളില് ക്യാമറ അനുവദിക്കാത്തത് ഫോട്ടോഗ്രാഫിയില് കമ്പമുള്ളവരെ നിരാശരാക്കിയേക്കാം.