ലൈബ്രറി പോയിന്റില് നിന്ന് ആരംഭിച്ച് കുല്റി ബാസാര് വരെ എത്തുന്ന മൂന്ന് കിലോമീറ്റര് റോഡാണ് ക്യാമല്സ് ബാക്ക് റോഡ്. ഈ റോഡ് നിറയെ ഒട്ടകത്തിന്റെ മുതുകിലെ മുഴയ്ക്ക് സമാനമായ കല്ലുകളാണ്. ഇനി റോഡിന് ഈ പേര് എങ്ങനെ ലഭിച്ചുവെന്ന് പറയേണ്ടതില്ലല്ലോ? മുസ്സൂറി പബ്ളിക് സ്കൂളിന് മുന്നില് നിന്നാല് ഈ റോഡ് കാണാം. പ്രദേശവാസികള് തങ്ങളുടെ പതിവ് പ്രഭാത സവാരിക്കും സായാഹ്ന സവാരിക്കും ഈ റോഡ് തിരഞ്ഞെടുക്കാറുണ്ട്.