Click it and Unblock the Notifications
ബീഹാറിലെ മുപ്പത്തെട്ട് ജില്ലകളില് ഏറ്റവുമധികം ആളുകള് സന്ദര്ശിക്കുന്ന സ്ഥലമാണ് സരന്. വിശാലമായ ഈ പ്രദേശത്തിന് ചപ്ര എന്ന സ്ഥലം അതിരിടുന്നു. ആത്മീയത, സംസ്കാരം, നാടന്കല തുടങ്ങി അസംഖ്യം ഘടകങ്ങള് സരനിലെ ടൂറിസത്തിന് ശക്തി പകരുന്നു. ജീവിതത്തിന്റെ ഓരോ അംശവും ആഘോഷപൂര്ണ്ണമാക്കുന്ന, ബീഹാറിന്റെ സാംസ്കാരികവും, പരമ്പരാഗതവുമായ ഒരു ഭാഗമാണ് സരന്.
സരനിലെ ടൂറിസ്റ്റ് കേന്ദ്രങ്ങള്
ചരിത്രപരവും, മതപരവും, പുരാവസ്തുക്കളും ചേര്ന്ന് സമ്മിശ്രമായ കാഴ്ചകളാണ് ഇവിടെ സഞ്ചാരികള്ക്ക് കാണാനാവുക. ആമി, ഗൗതം ആസ്ഥാന്, സില്ഹോരി, ദോര്ത്ത് ആശ്രമം, ചിറാന്ഡ്, ഹസന്പുര എന്നിവയാണ് ഇവിടുത്തെ പ്രമുഖ സഞ്ചാര കേന്ദ്രങ്ങള്. ഇവിടുത്തെ ക്ഷേത്രങ്ങളേറെയും കാളി ദേവിയെയും, ശിവനെയും ആരാധിക്കുന്നവയാണ്.
എല്ലാ വര്ഷവും നവംബറില് സോനേപൂരില് വച്ച് നടക്കുന്ന കന്നുകാലിചന്തയാണ് ഇവിടുത്തെ ഏറ്റവും പ്രധാന ആകര്ഷണം. അന്തര്ദേശീയ അംഗീകാരമുള്ള ഈ മേളയില് വിദേശത്ത് നിന്ന് വരെ ആളുകള് പങ്കെടുക്കുന്നു. സരനില് മികച്ച ഗതാഗത, വാര്ത്താവിനിമയ സംവിധാനങ്ങളാണുള്ളത്. മേളകളും, സാംസ്കാരിക പരിപാടികളും സരനിലെ ടൂറിസത്തെ പ്രോത്സാഹിപ്പിക്കുന്നു.
സന്ദര്ശനയോഗ്യമായ കാലം
തെളിഞ്ഞ കാലാവസ്ഥയുള്ള, ജൂണ് മുതല് ഒക്ടോബര് വരെയുള്ള മഴക്കാലമാണ് സരന് സന്ദര്ശിക്കാന് അനുയോജ്യം.
എങ്ങനെ എത്തിച്ചേരാം?
മികച്ച ഗതാഗത സൗകര്യങ്ങളാണ് ബീഹാര് ഗവണ്മെന്റ് സഞ്ചാരികള്ക്കും, തദ്ദേശവാസികള്ക്കുമായി സരനില് നടപ്പാക്കിയിരിക്കുന്നത്.
