ഭീമൻ നിർമ്മിച്ച തടാകവും തടാകക്കരയിലെ കാഴ്ചകളും

കഥകളുറങ്ങുന്ന ഒരു തടാകം...അതിനു ചുറ്റും കഥകൾകൊണ്ടു തന്നെ ജന്മമെടുത്ത ഒരു നഗരം....ഉതത്രാഖണ്ഡിന്റെ കിരീടത്തെ അലങ്കരിക്കുന്ന മറ്റൊരു രത്നമായ ഭീംതാൽ നീലാകാശത്തിനും ഭൂമിയിലെ തടാകത്തിനും ഇടയിലായി കൊതിപ്പിക്കുന്ന ഒരു നഗരമാണ്. മഹാഭാരതത്തിലെ ഇതിഹാസ കഥാപാത്രമായ ഭീമനിൽ നിന്നും പേരുവന്ന ഈ നഗരം കാഴ്ചകൾ കാണാനായി ഉത്തരാഖണ്ഡിൽ അലയുവാനെത്തുന്ന സഞ്ചാരികളുടെ ഇഷ്ടനാട് കൂടിയാണ്. അധികമൊന്നും ആളുകൾ എത്തിച്ചേർന്നിട്ടില്ലാത്ത, വിനോദ സഞ്ചാര ഭൂപടത്തിൽ ഇനിയും ഇടം നേടിയിട്ടില്ലാത്ത ഭീംതാലിന്റെ വിശേഷങ്ങളും ഇവിടുത്തെ പ്രത്യേകതകളും കാഴ്ചകളും ഒക്കെ വായിക്കാം.... ഭീമൻ നിർമ്മിച്ച ഭീംതാൽ ഭീമേശ്വർ ക്ഷേത്രം ഭീംതാൽ തടാകത്തിന്റെ കരയിൽ സ്ഥിതി ചെയ്യുന്ന നൂറ്റാണ്ടുകൾ പഴക്കം ചെന്ന ക്ഷേത്രമാണ് ഭീമേശ്വർ ക്ഷേത്രം. 17-ാം നൂറ്റാണ്ടിൽ നിർമ്മിച്ച ഈ ക്ഷേത്രം ശിവനാണ് സമർപ്പിക്കപ്പെട്ടിരിക്കുന്നത്. പിന്നീട് ഇവിടം ഭീമന്റെ സ്ഥലം എന്ന പേരിൽ ഭീമേശ്വര ക്ഷേത്രമായി മാറുകയായിരുന്നു. കുമയൂണിലെ രാജാവായിരുന്ന ബാസ് ബഹാദൂറാണ് ഇത് പണികഴിപ്പിച്ചത് എന്നാണ് കരുതുന്നത്. വ്യത്യസ്തമായ നിർമ്മാണ രീതികളിൽ പൂർത്തിയാക്കിയിരിക്കുന്ന ഈ ക്ഷേത്രം കണ്ടിരിക്കേണ്ട ഒന്നു തന്നെയാണ്.PC:Roshani Yadav ഭീമൻ നിർമ്മിച്ച ഭീംതാൽ കാർതോടക നാഗ ക്ഷേത്രം ഭീംതാലിന് സമീപത്തെ മറ്റൊരു പ്രധാന തീർഥാടന കേന്ദ്രമാണ് കാർതോടക നാഗ ക്ഷേത്രം. കാർതോടക മലനിരകളിൽ സ്ഥിതി ചെയ്യുന്ന ഈ ക്ഷേത്രത്തിൽ നാഗരാജാവായ കാർതോടകനെയാണ് ആരാധിക്കുന്നത്. ഇവിടുത്ത വിശേഷ ദിവസമായ ഋഷി പഞ്ചമിയിൽ ഉത്തരാഖണ്ഡിന്റെ വിവിധ ഭാഗങ്ങളിൽ നിന്നും വിശ്വാസികൾ എത്താറുണ്ട്.PC:Shadow Ayush ഭീമൻ നിർമ്മിച്ച ഭീംതാൽ ഫോക് കൾച്ചർ മ്യൂസിയം സംസ്കാരത്തെയും പാരമ്പര്യത്തെയും സംരക്ഷിക്കുക എന്ന ലക്ഷ്യത്തിൽ ആരംഭിച്ച പോക് കൾച്ചർ മ്യൂസിയമാണ് ഇവിടുത്തെ മറ്റൊരു ആകർഷണം . ലോക് സൻസ്കൃതി സൻഗൃഹാലയ എന്ന പേരും ഈ മ്യൂസിയത്തിനുണ്ട്. ഉത്തരാഖണ്ഡിന്&zwj;റെ ചരിത്രം അറിയുവാൻ താല്പര്യമുള്ളവർ ഒഴിവാക്കരുതാത്ത ഇടമാണിത്. പുരാവസ്തുക്കളും കലാരൂപങ്ങളും കൂടാതെ ആയിരക്കണക്കിന് ഫോട്ടോഗ്രാഫുകൾ, പെയിന്&zwj;റിംഗുകൾ, നാടൻ കലാരൂപങ്ങളുടെ ചിത്രങ്ങൾ തുടങ്ങി ഒട്ടെറെ കാര്യങ്ങള്&zwj; ഇവിടെ കാണാനുണ്ട്.PC:wikimedia ഭീമൻ നിർമ്മിച്ച ഭീംതാൽ ബട്ടർഫ്ലൈ റിസർച്ച് സെന്റർ ഭീംതാലിലെ മറ്റൊരു ആകർഷണമാണ് ബട്ടർഫ്ലൈ റിസർച്ച് സെന്റർ. ഭീംതാൽ തടാകത്തിനു തൊട്ടടുത്തുള്ള ഒരു കുന്നിനോട് ചേർന്നാണ് ഇത് സ്ഥിതി ചെയ്യുന്നത്. ഇന്ത്യയിൽ ഇതുവരെ ആകെ കണ്ടെത്തിയിട്ടുള്ള 1300 തരത്തിലധികം ചിത്രശലഭങ്ങളുടെ ഇനങ്ങളിൽ 240 തരത്തെ ഇവിടെ തന്നെ കാണാൻ കഴിയും. ഭീമൻ നിർമ്മിച്ച ഭീംതാൽ സന്ദര്ശിക്കുവാൻ പറ്റിയ സമയം അടുത്തുള്ള മറ്റിടങ്ങൾവേനൽക്കാലവും മഞ്ഞു കാലവുമാണ് ഭീംതാൽ സന്ദർശിക്കുവാൻ പറ്റിയ സമയം. മാർച്ച് മുതൽ മേയ് വരെയുള്ള വേനൽക്കാലത്ത് ഇവിടെ 1- ഡിഗ്രി മുതൽ 27 ഡിഗ്രി വരെയാണ് ചൂട് അനുഭവപ്പെടുക. കറങ്ങി നടന്ന് സ്ഥലങ്ങൾ കാണുവാനാണ് ആഗ്രഹമെങ്കിൽ വേനൽക്കാലം തിരഞ്ഞെടുക്കാം.ജൂലൈ മുതൽ സെപ്റ്റംബർ പകുതി വരെ നീണ്ടു നിൽക്കുന്നതാണ് ഇവിടുത്തെ മഴക്കാലം. ഈ സമത്തെ യാത്ര ഒഴിവാക്കാം.സെപ്റ്റംബർ, മുതൽ ഫെബ്രുവരി വരെയാണ് തണുപ്പുകാലം. കൂടിപ്പോയാൽ മൈനസ് മൂന്ന് ഡിഗ്രി വരെയാണ് ഇവിടെ തണുപ്പ് ഉണ്ടാവുക. എന്നിരുന്നാലും ഇവിടം സന്ദർശിക്കുന്നതിന് പ്രത്യേക ബുദ്ധിമുട്ടുകൾ ഒന്നും ഉണ്ടാവില്ല. ഭീമൻ നിർമ്മിച്ച ഭീംതാൽ നൈനിറ്റാളിൽ നിന്നും നൈനിറ്റാളിൽ നിന്നും ഭീംതാലിലേക്ക് 20 കിലോമീറ്റർ മാത്രമാണ് ദൂരം. അതുകൊണ്ടുതന്നെ ഒരിക്കലും നൈനിറ്റാള്&zwj; സന്ദർശിക്കുമ്പോൾ ഇവിടം മറക്കാതെ സന്ദർശിക്കുക.