Click it and Unblock the Notifications
ഹരിയാനയിലെ ഗുര്‍ഗാവ്‌ ജില്ലയിലെ മുന്‍സിപ്പല്‍ സമതിയും പട്ടണവുമാണ്‌ സോഹ്ന. വാരാന്ത്യങ്ങളില്‍ സന്ദര്‍ശനത്തിനെത്താവുന്ന മനോഹരമായ വിനോദ സഞ്ചാര കേന്ദ്രമാണ്‌ ഈ ചെറുപട്ടണം. ഗുര്‍ഗാവില്‍ നിന്നും അല്‍വാറിലേക്കുള്ള ഹൈവേയില്‍ നഗരത്തില്‍ നിന്നും 24 കിലോമീറ്റര്‍ അകലെയായാണ്‌ ഈ സ്ഥലം സ്ഥിതി ചെയ്യുന്നത്‌.
സോഹ്നയിലെ വിനോദ സഞ്ചാര കേന്ദ്രങ്ങള്‍
ആരവല്ലി മലനിരകളുടെ താഴ്‌വാരത്തിലാണ്‌ സോഹ്ന സ്ഥിതി ചെയ്യുന്നത്‌. പുരാതന ശിവക്ഷേത്രത്താലും ചൂട്‌ നീരുറവകളാലും ഈ സ്ഥലം പ്രശസ്‌തമാണ്‌. എല്ലാ വര്‍ഷവും നവംബറില്‍ ഗംഗസ്‌നാന്‍ എന്നൊരു മേള ഇവിടെ സംഘടിപ്പിക്കാറുണ്ട്‌. തീജ്‌ ഉത്സവം ആഘോഷിക്കുന്നതിനായി ജൂലൈ, ആഗസ്‌റ്റ്‌ മാസങ്ങളില്‍ നടത്തുന്ന മേളയാണ്‌ മറ്റൊന്ന്‌. മലനിരകള്‍ക്ക്‌ മുകളില്‍ വിനോദ സഞ്ചാര വകുപ്പിന്റെ മേല്‍ നോട്ടത്തിലുള്ള ഗ്രാന്‍ഡ്‌ പാര്‍ക്കാണ്‌ മറ്റൊരു പ്രധാന ആകര്‍ഷണം. താമസ സൗകര്യങ്ങളും ഭക്ഷണശാലകളും ഇവിടെ ഉണ്ട്‌.
പ്രകൃതി മനോഹരമായ ദംദം തടാകമാണ്‌ മറ്റൊരു പ്രധാന വിനോദ സഞ്ചാര കേന്ദ്രം. ഇവിടെ ബോട്ടിങ്ങിനുള്ള സൗകര്യമുണ്ട്‌. ഫെബ്രുവരി മാസത്തില്‍ നടക്കുന്ന വിന്റേജ്‌ കാര്‍ റാലിയും പ്രധാന ആകര്‍ഷണങ്ങളില്‍ ഒന്നാണ്‌.
