രാജസ്ഥാനിലെ ആഭാനേരി ഗ്രാമത്തിലാണ് ഹര്ഷത് മാതാ ക്ഷേത്രം സ്ഥിതി ചെയ്യുന്നത് . പ്രശസ്തമായ ചാന്ദ് ബോരി പടിക്കിണറിന് എതിര്വശത്താണ് ഇതിന്റെ സ്ഥാനം. എ .ഡി എട്ടാം നൂറ്റാണ്ടിനും ഒന്പതാം നൂറ്റാണ്ടിനും ഇടക്കാണ് ഇത് നിര്മ്മിക്കപ്പെട്ടിരിക്കുന്നത് . ആഹ്ലാദത്തിന്റെയും ഉല്ലാസത്തിന്റെയും ദേവതയാണ് ഹര്ഷത് മാതാ. ക്ഷേത്രം സമര്പ്പിച്ചിരിക്കുന്നതും ഈ ദേവതയുടെ പേരില് തന്നെ.സദാ ആഹ്ലാദവതിയായിരിക്കുന്ന ഈ ദേവി ആ ആഹ്ലാദം തന്നെ ആരാധിക്കുന്നവരുമായി പങ്കുവക്കുന്നു എന്ന് ഭക്തര് വിശ്വസിക്കുന്നു.
ഹര്ഷത് മാതാ ക്ഷേത്രത്തില് ദേവിയുടെ പ്രീതിക്കായി മൂന്നു ദിവസം നീണ്ടു നില്ക്കുന്ന ഉത്സവം നടക്കാറുണ്ട് .നാടിന്റെ പല ഭാഗങ്ങളില് നിന്നും ഭക്തരും വ്യാപാരികളും ഈ സമയം ഇവിടെ വന്നുചേരും. ഈ ക്ഷേത്രം അതിന്റെ വാസ്തു ശില്പ്പഭംഗിക്ക് പ്രസിദ്ധമാണ്. ആര്ക്കിയോളോജി വകുപ്പിന്റെ കീഴിലാണ് ക്ഷേത്രം സംരക്ഷിക്കപ്പെടുന്നത്.