ഇന്ത്യയിലെ തന്നെ ഏറ്റവും വലിയ ഗുഹകളിലോന്നാണ് ഇവിടെയുള്ള ബോറ കേവ്സ്.ഇവിടുത്തുകാരുടെ ഭാഷയില് ഇവ ബോറ ഗുഹലു എന്നറിയപ്പെടുന്നു. സമുദ്ര നിരപ്പില് നിന്നും 2313 അടി ഉയരത്തിലുള്ള ഈ ഗുഹകള് ഇവിടെയുള്ള അനന്തഗിരി കുന്നുകളുടെ ഭാഗമാണ്.
ചെറുതും വലുതുമായ മനോഹരങ്ങളായ സ്പിലിയോതെംസിന് ഉത്തമ ഉദാഹരണങ്ങളാണ് ഈ ഗുഹകള്. പാറകള്ക്കുള്ളില് രൂപാന്തരപ്പെടുന്ന ധാതുക്കളുടെ സമ്പത്താണ് ഈ സ്പിലിയോതെംസ്. പ്രധാനമായും ചുണ്ണാമ്പ് കല്ലുകളിലാണ് ഇവ രൂപാന്തരപ്പെടുന്നത്. അതോടൊപ്പം തന്നെ മനോഹരമായ ആകൃതിയിലുള്ള സ്റ്റാല്ഗമൈറ്റ്സിന്റെയും സ്റ്റാല്സൈറ്റ്സിന്റെയും കൂടി ഇടമാണ് ഈ ഗുഹകള്. കാര്സ്റ്റിക് ചുണ്ണാമ്പ് കല്ലുകളില് നിന്നാണ് ഏതാണ്ട് 80 മീറ്ററോളം ആഴത്തിലുള്ള ഈ ഗുഹ നിര്മ്മിതമായിരിക്കുന്നത്. കൃത്യമായി പറഞ്ഞാല് ഇന്ത്യയിലെ തന്നെ ഏറ്റവും ആഴത്തിലുള്ള ഗുഹകളാണിവ.
1807 ല് ജോഗ്രഫിക്കല് സര്വേ ഓഫ് ഇന്ത്യയിലുണ്ടായിരുന്ന വില്യം കിംഗ് ജോര്ജ് വളരെ അവിചാരിതമായാണ് ഈ പ്രദേശം കണ്ടെത്തിയത്.അതില് പിന്നീടു ഇവിടം ഒരു വിനോദ സഞ്ചാര കേന്ദ്രമായി മാറുകയായിരുന്നു.