Click it and Unblock the Notifications
മഹാവിഷ്ണുവിന്റെ 65 അടിയോളം നീളമുള്ള പ്രതിമയാണ് ശേഷശയ്യ. ചരണ്ഗംഗ നദിയുടെ ഉത്ഭവസ്ഥാനം കൂടിയാണിത്. ബാന്ധവ്ഘര് കുന്നില് സ്ഥിതിചെയ്യുന്ന ഈ പുണ്യകേന്ദ്രത്തിലേക്ക് കാല്നടയായേ പോകാന് കഴിയൂ.
ഏഴ് ഫണങ്ങളുള്ള ശേഷന് എന്ന നാഗത്തിന്റെ പുറത്ത് ഒരുക്കിയ ശയ്യയില് ശയിക്കുന്ന അനന്തശയനന് അഥവാ മഹാവിഷ്ണുവിന്റെ പ്രതിമയാണിത്. വളരെ പഴയ കാല്പനിക ഡിസൈനാണിത്. പച്ചനിറം പൂണ്ട ഒരു ജലാശയത്തിന് നടുവിലാണ് ഈ അനന്തശയന പ്രതിമ. ചരണ്ഗംഗയുടെ പ്രഭവകേന്ദ്രം ഈ തീര്ത്ഥക്കുളമാണെന്ന് വിശ്വസിക്കപ്പെടുന്നു.
മഹാവിഷ്ണുവിന്റെ തൃപ്പാദങ്ങളില് നിന്നാണ് ചരണ്ഗംഗ ഉത്ഭവിക്കുന്നത് എന്ന ഐതിഹ്യം നിലവിലുള്ളതിനാല് ഈ നദീജലത്തെ പവിത്രമായാണ് ആളുകള് കാണുന്നത്. ഒരുപാട് ഫലവൃക്ഷങ്ങള് ഇതിന് ചുറ്റുവട്ടത്തായി ഉള്ളതിനാല് വേഴാമ്പല് അടക്കമുള്ള നിരവധി ജാതി പക്ഷികള് ഇവിടെ വന്നെത്താറുണ്ട്. ദീപാവലി ഉത്സവവേളയില് നാടിന്റെ നാനാഭാഗത്ത് നിന്നും ഭക്തജനങ്ങള് ഇവിടെ വന്ന് സായൂജ്യമടയാറുണ്ട്.
