പശ്ചിമഘട്ടത്തോട് ചേര്‍ ന്ന് കിടക്കുന്ന കാമരാജര്‍  തടാകത്തിന്റെ വിസ്തൃതി നാനൂറ് ഏക്കറാണ്. തടാകത്തിന് ചുറ്റും സമൃദ്ധമായ വാഴത്തോപ്പുകളും തെങ്ങ്, ഏലയ്ക്ക എന്നിവയുടെ പ്രവിശാലമായ തോട്ടങ്ങളും കാണാം. ആയിരക്കണക്കിന് പക്ഷിവൈജാത്യങ്ങളുടെ ആവാസകേന്ദ്രം എന്ന നിലയില്‍ ഈ കായലോരം പക്ഷിനിരീക്ഷകരുടെ പറുദീസയാണ്. കായല്‍മാറിലൂടെ സഞ്ചരിക്കാന്‍  നിരവധി കൊട്ടവള്ളങ്ങളും ഒരുക്കിയിട്ടുണ്ട്. ദിണ്ടുക്കല്‍ ജില്ലയിലെ അതൂര്‍  ഗ്രാമത്തിലാണ് മനോഹരമായ ഈ പൊയ്കയും ഡാമും.