Click it and Unblock the Notifications
മലമ്പുഴയിലെ പ്രധാന ആകര്ഷണങ്ങളില് ഒന്നാണ് ഇവിടുത്തെ റോപ് വേ കാര്. ദക്ഷിണേന്ത്യയിലെ ആദ്യത്തെ റോപ് വേയാണിത്. തീര്ത്തും വ്യത്യസ്തമായ അനുഭവം തന്നെയാണ് ഇതിലുള്ള യാത്ര. 60 അടി ഉയരത്തില് 625 മീറ്റര് ദൂരത്തിലാണ് വലിയ ഇരുമ്പു വടങ്ങളിലുള്ള ഈ റോപ് വേ നിര്മ്മിച്ചിരിക്കുന്നത്. അണക്കെട്ടിന്റെയും പൂന്തോട്ടത്തിന്റെയും മലനിരകളുടെയുമെല്ലാം മനോഹാരിത റോപ് വേയില് ഇരുന്ന് ആസ്വദിയ്ക്കാം. കുട്ടികള്ക്കും മുതിര്ന്നവര്ക്കുമെല്ലാം രസംപകരുന്നതായിരിക്കും ഈയാത്ര, സുര്ഷയുടെ കാര്യത്തില് ഒന്നും പേടിയ്ക്കാനുമില്ല. ഏതാണ്ട് 20 മിനിറ്റോളമാണ് ഒരു റൈഡിന്റെ ദൈര്ഘ്യം. പൂന്തോട്ടം മുഴുവന് ഈ സമയംകൊണ്ട് ചുറ്റിക്കാണാം.
കാലത്ത് പത്ത് മുപ്പത് മുതല് വൈകീട്ട് ആറുമണിവരെയാണ് റോപ് വേയുടെ പ്രവര്ത്തനസമയം. സുരക്ഷാ ഉപകരണങ്ങളെല്ലാം നല്കിയാണ് സഞ്ചാരികളെ ഇതില് കയറ്റുന്നത്. ആളൊന്നിന് 30 രൂപയും ഒരു കുടുംബത്തിന് 80 രൂപയുമാണ് ഇതിന്റെ ഫീസ്. 6 വിദ്യാര്ഥികളുള്പ്പെടുന്ന ഒരു ഗ്രൂപ്പിന് 150 രൂപയാണ് ഫീസായി നല്കേണ്ടത്.
