Click it and Unblock the Notifications
തെക്കന് ഗോവയ്ക്ക് ഒരുകിലോമീറ്റര് അകലത്തായുള്ള ഒരു ഉള്പ്രദേശ പട്ടണമാണ് മര്ഗോവ. തെക്കന് ഗോവയിലെ മിക്കവാറും എല്ലാ ബീച്ചുകളുടെയും അടുത്താണ് എന്നതാണ് ഇവിടേക്ക് സഞ്ചാരികളെത്താനുള്ള ഒരു പ്രധാനപ്പെട്ട കാരണം. താമസസൗകര്യത്തിന് പുറമേ നിരവധി പള്ളികളും മോസ്കുകളുമുള്ള മര്ഗോവിലേക്ക് നിരവധി മുസ്ലിംകളും എത്തിച്ചേരുന്നു.
ഷിയാ ഇമാം ഇസ്മായിലി ഖോജ ജമാത്ഖാന തുടങ്ങിയ ആരാധനാലയങ്ങളിലേക്ക് നിരവധി ആളുകള് സന്ദര്ശനം നടത്താറുണ്ട്. ബെനോലിം, കോള്വ, വാര്ക, ബേട്ടൂല്, മജോര്ദ തുടങ്ങിയ പ്രശസ്ത ബീച്ചുകളില് നിന്നും നീട്ടിയൊരു കല്ലെടുത്തെറിഞ്ഞാല് എത്താവുന്ന ദൂരമേ മര്ഗോവയിലേക്കുള്ളൂ. മിക്കവാറും ഈ പറയുന്ന എല്ലാ ബീച്ചുകളും ഒരു ദിവസം കൊണ്ട് കാല്നടയായി കണ്ടാസ്വദിക്കണമെന്നു വെച്ചാലും സാധിക്കാവുന്നതേയുള്ളൂ. തെക്കന് ഗോവയിലെ രുചി പകരാനായി ഷാക്കുകളും ഷോപ്പിംഗിനുളള സ്ഥലങ്ങളും ഇവിടെയുണ്ട്.
താമസത്തിനും ഇവിടെ സൗകര്യമുണ്ട്. പഞ്ചനക്ഷത്രഹോട്ടലുകളായ താജ്, ലീല, ഹോളിഡേ ഇന്, ഹയാത്ത് തുടങ്ങിയ ഹോട്ടലുകള് ഇവിടെ അടുത്താണ്. മര്ഗോവയിലെ ഓഷ്യ ഷോപ്പിംഗ് മാളാണ് ഷോപ്പിംഗിന് ഏറ്റവും പേരുകേട്ടത്. ഡബോലിം എയര്പോര്ട്ടില് നിന്നും വളരെ എളുപ്പത്തില് ഇവിടെയത്തിച്ചേരാം.
വിമാനത്താവളത്തില് നിന്നും ചുരുങ്ങിയ നിരക്കില് കാബ്സ്, ടാക്സി എന്നിവ ലഭിക്കും. വാസ്കോ, മര്ഗോവ, ഡബോലിം റെയില്വേസ്റ്റേഷനുകള് വഴിയും ഇവിടെയത്തിച്ചേരാം. ഇതില് മര്ഗോവ സ്റ്റേഷനാണ് ഏറ്റവും അടുത്തുള്ളത്. സമീപനഗരങ്ങളായ വാസ്കോ, തലസ്ഥാനമായ പനജി എന്നിവിടങ്ങളില് നിന്നും റോഡ് മാര്ഗവും ഇവിടെയെത്താന് പ്രയാസമില്ല.
