Click it and Unblock the Notifications
മുസ്സൂറിയിലെ ഏറ്റവും ഉയരമുള്ള കൊടുമുടിയാണ് ലാല് ടിബ്ബ. ഡിപ്പോ ഹില് എന്നൊരു പേര് കൂടി ഇതിനുണ്ട്. ഇവിടെ ഒരു ഡിപ്പോ സ്ഥിതി ചെയ്യുന്നതിനാലാണ് ഈ പേര് ലഭിച്ചത്. മുസ്സൂറിയിലെ ഏറ്റവും പുരാതനമായ ജനവാസകേന്ദ്രമായ ലാന്ഡൗര് മേഖലയിലാണ് ലാല് ടിബ്ബ സ്ഥിതി ചെയ്യുന്നത്. ഓള് ഇന്ത്യാ റേഡിയോയുടെയും ദൂരദര്ശന്റെയും ടവറുകള് ഈ മലമുകളിലുണ്ട്. ഇന്ത്യന് മിലിട്ടറി സര്വ്വീസസ് കേന്ദ്രവും ഇവിടെ പ്രവര്ത്തിക്കുന്നു.
ഇവിടെ നിന്നാല് സൂര്യോദയത്തിന്റെയും സൂര്യാസ്തമനത്തിന്റെയും മനോഹാരിത ആസ്വദിക്കാനാകും. സഞ്ചാരികള്ക്കായി മുനിസിപ്പാലിറ്റി 1967ല് ലാല് ടിബ്ബയില് ഒരു ജാപ്പനീസ് ദൂരദര്ശിനി സ്ഥാപിച്ചു. ഈ ദൂരദര്ശിനിയിലൂടെ നോക്കിയാല് സമീപ പ്രദേശങ്ങളായ ബണ്ഡേര് പഞ്ച്, കേദാര്നാഥ്, ബദരീനാഥ്, മറ്റു ഹിമാലയന് മലനിരകള് എന്നിവ കാണാന് കഴിയും. ഇവ കൂടാതെ പഴയ വീടുകളും ബ്രിട്ടീഷ് നിര്മ്മാണ ശൈലിയിലുള്ള കെട്ടിടങ്ങളും കാണാനാകും.
