Click it and Unblock the Notifications
ബാഗ്ലൂരില് നിന്നും ഒന്നര മണിക്കൂര് യാത്രചെയ്താല് മുത്തത്തിയിലെത്താം. മാണ്ഡ്യ ജില്ലയിലെ മനോഹരമായ ഒരു വനപ്രദേശമാണിത്. രാമായണത്തില് ഈ സ്ഥലത്തെക്കുറിച്ച് പരാമര്ശമുണ്ടെന്നാണ് വിശ്വസിക്കപ്പെടുന്നത്. ഹനുമാന് സ്വാമിയുടെ പ്രസിദ്ധമായ ഒരു ക്ഷേത്രമുണ്ട് ഇവിടെ. ഹനുമന്തരായ ക്ഷേത്രം എന്നാണ് ഇത് അറിയപ്പെടുന്നത്. പാറക്കൂട്ടങ്ങള്ക്കിടയിലൂടെ കാവേരിനദിയൊഴുകിയെത്തുന്ന നിബിഢവനപ്രദേശമാണ് മുത്തത്തി. ചുറ്റും നിറയെ കുന്നുകളുള്ള ഈ വനപ്രദേശം പ്രകൃതിസ്നേഹികളുടെ സ്വര്ഗമാണ്. കാവേരിനദിയിലെ ബോട്ടിംഗിനും ചങ്ങാടയാത്രയ്ക്കും ഏറെ പ്രശസ്തമാണ് മുത്തത്തി. കാവേരി വന്യജീവി സങ്കേതത്തിന് അരികിലായാണ് മുത്തത്തി ഫോറസ്റ്റ് റേഞ്ച്.
സാഹസികതയ്ക്കും, പ്രകൃതി സൗന്ദര്യം ആസ്വദിക്കാനും വിനോദങ്ങള്ക്കും പേരുകേട്ടതാണ് ഈ സ്ഥലം. വന്യജീവികളെയും കാട്ടിലെ മറ്റ് അന്തേവാസികളെയും അടുത്തുകണ്ടുകൊണ്ട് ഒരു യാത്രയ്ക്കും സാധ്യത നല്കുന്നതാണ് മുത്തത്തി. വിവിധതരം മാനുകള്, കുറുനരി, കാട്ടുപന്നി, പുള്ളിപ്പുലി എന്നിവയെ ഇവിടെ കാണാം. മുതലകളെയും നാനാജാതി പക്ഷികളെയും എന്നിവയെയും മുത്തത്തിയില് കാണാം. പ്രകൃതിസ്നേഹികള്ക്കും സാഹസിക യാത്രികര്ക്കും ഒരുപോലെ ഇഷ്ടമാകുന്ന ഭീമേശ്വരി മുത്തത്തിക്ക് സമീപത്താണ്. വീക്കെന്ഡിലെ അവധിദനങ്ങള് ചെലവഴിക്കാന് പറ്റിയ ഇടമാണ് ഭീമേശ്വരി.
ഭീമേശ്വരയിലും സംഗമയിലും ട്രക്കിംഗിന് അവസരം നല്കുന്ന കുത്തനെയുള്ള പര്വ്വതനിരകളുണ്ട്. നിബിഢവനത്തില് നിരവധി നടപ്പാതകളും തെളിഞ്ഞുകാണാന് സാധിക്കും. സമുദ്രനിരപ്പില് നിന്നും 1125 മീറ്റര് ഉയരത്തില് നിന്നുകൊണ്ട് സമീപത്തെ പ്രകൃതിദൃശ്യങ്ങള് നോക്കിക്കാണുക എന്നത് ഏറെ മനോഹരമായ ഒരു അനുഭവമായിരിക്കും എന്നതില് സംശയമില്ല. ട്രക്കിംഗിനും ബോട്ടിംഗിനും പേരുകേട്ട മുത്തത്തി കര്ണാടകത്തിലെ പ്രശസ്തമായിക്കൊണ്ടിരിക്കുന്ന ഒരു വിനോദസഞ്ചാര കേന്ദ്രമാണ്. ബാംഗ്ലൂരില് നിന്നും കേവലം രണ്ട് മണിക്കൂര് കൊണ്ട് ഇവിടെ എത്തിച്ചേരാന് സാധിക്കും.
