നെല്ലൂരില് നിന്നും 22 കിലോമീറ്റര് അകലെ സ്ഥിതി ചെയ്യുന്ന പ്രശാന്ത സുന്ദരമായ ബീച്ചാണിത്. വളരെ ദീര്ഘമായ കടല്ത്തീരമാണിവിടെയുള്ളത്. ബീച്ചിലെ സുര്യോദയം വളരെ മനോഹരമായ കാഴ്ചയാണ്. അത് വീക്ഷിക്കാനായി മാത്രം ഒട്ടേറെ പേര് ഈ സമയം ഇവിടെ എത്തുന്നു. അധികം ഹോട്ടലുകളോ റിസോര്ട്ടുകളോ ഇവിടെ കാണാന് കഴിയില്ല.
മാത്രമല്ല എല്ലാ ദിവസവും വൈകുന്നേരം 6 മണി വരെ മാത്രമേ ബീച്ചിലേക്ക് പ്രവേശനമുള്ളൂ. അലയടിക്കുന്ന കടല്ത്തിരകളും മനോഹരമായ ഇളം കാറ്റുമൊക്കെയായി സഞ്ചാരികള്ക്ക് വ്യസ്ത്യസ്തമായ അനുഭൂതി പകര്ന്നു നല്കുന്നു. നെല്ലൂരില് നിന്നും ഇവിടേക്ക് എല്ലാ സമയത്തും ബസ് സര്വ്വീസുണ്ട്. നെല്ലൂരിലെ സുന്ദരമായ കാഴ്ചകളില് വളരെ മുന്പന്തിയിലാണ് ഈ ബീച്ചിന്റെ സ്ഥാനം.