കേരളത്തില് ഏറ്റവും കടുത്ത വേനല് അനുഭവപ്പെടുന്ന സ്ഥലമാണ് പുനലൂര്, വേനല്ക്കാലങ്ങളില് ഇവിടുത്തെ കൂടിയ താപനില 41 ഡിഗ്രി സെല്ഷ്യസ് ആണ്. മാര്ച്ച് മുതല് മെയ് വരെയാണ് വേനല്ക്കാലം, ഈ സമയം പുനലൂര് സന്ദര്ശനത്തിന് ഒട്ടും അനുയോജ്യമല്ല.
ജൂണ് മുതല് സെപ്റ്റംബര് വരെയാണ് മഴക്കാലം. ഈ സമയത്ത് മഴയുണ്ടാകുമെങ്കിലും സുഖമുള്ള അന്തരീക്ഷമാണ് ഉണ്ടാവുക. മഴയിഷ്ടമുള്ളവര്ക്ക് ഈ സമയത്ത് പുനലൂര് സന്ദര്ശനം നടത്താം.
ഡിസംബര് മുതല് ഫെബ്രുവരിവരെയാണ് ശീതകാലം, ഈസമയത്താണ് പുനലൂരില് മനോഹരമായ കാലാവസ്ഥ അനുഭവപ്പെടുന്നത്. ഈസമയത്ത് താപനില 15ഡിഗ്രി സെല്ഷ്യസ് വരെ താഴാറുണ്ട്. ഈ സമയമാണ് പുനലൂര് സന്ദര്ശനത്തിന് ഏറ്റവും അനുയോജ്യം.