Click it and Unblock the Notifications
പശ്ചിമ ബംഗാളിന്െറ വടക്കന് നഗരങ്ങളിലൊന്നായ സാംസിംഗിന്െറ പ്രധാന ആകര്ഷണം തെയില തോട്ടങ്ങളുടെ പച്ചപ്പാണ്. ഹിമാലയ താഴ്വരയില് സ്ഥിതി ചെയ്യുന്ന ഓരോ ടൗണ്ഷിപ്പുകള്ക്കും തെയിലതോട്ടങ്ങളാണ് അതിരിടുന്നത്. ഹിമാലയത്തിലെ മഞ്ഞിന് തൊപ്പിയണിഞ്ഞ പര്വതങ്ങളുടെ കാഴ്ചകളും സഞ്ചാരികളിലെ ഫോട്ടോഗ്രാഫര്മാരെ ഉണര്ത്താന് പോന്നവയാണ്. ടൗണ്ഷിപ്പുകളോട് ചേര്ന്നുള്ള വനമേഖലയില് അപൂര്വ ജന്തു-ജീവജാലങ്ങളുടെ സാന്നിധ്യവുമുണ്ട്. നിയോറ വാലി ദേശീയപാര്ക്കില് നിന്ന് 66 കിലോമീറ്റര് മാത്രം ദൂരെയാണ് സാംസിംഗ്.
സാംസിംഗിന് ചുറ്റുമുള്ള കാഴ്ചകള്
ഡാര്ജിലിംഗിലും സിലിഗുരിയിലും എത്തുന്നവരാണ് ഇവിടെ കൂടുതലും എത്താറ്. നേപ്പാളി സംസ്കാരത്തിന്െറ സാന്നിധ്യം ഇവിടത്തെ സംഗീതത്തിലും നൃത്ത രൂപങ്ങളിലും കാണാം. പ്രാദേശിക പലഹാരമായ മോമോസ് വില്ക്കുന്ന കടകളും ഇവിടെ ധാരാളമായി കാണാം. സാംസിംഗിനും സിലിഗുരിക്കുമിടയിലാണ് ടൂറിസ്റ്റ് കേന്ദ്രമായ ചല്സ സ്ഥിതി ചെയ്യൂന്നത്.
സമുദ്രനിരപ്പില് നിന്ന് 3000 അടി ഉയരത്തിലുള്ള സാംസിംഗിലെ കാലാവസ്ഥ ട്രക്കിംഗിനും മറ്റും അനയോജ്യമാണ്. നിയോറ വാലി നാഷനല് പാര്ക്കില് നിന്നാണ് ട്രക്കിംഗ് റൂട്ടിന് തുടക്കം.
ഒന്നിലധികം മതങ്ങളില് വിശ്വസിക്കുന്നവരാണ് ഇവിടത്തുകാര്. ചുത്കേ,മാരുനി തുടങ്ങിയ നൃത്തരൂപങ്ങളും ഇവിടത്തുകാര്ക്ക് പ്രിയപ്പെട്ടതാണ്. നേപ്പാളീസ് പുതുവര്ഷമായ മകര സംക്രാന്തിയും തിബറ്റന് പുതുവര്ഷമായ ലോസറും ഇവിടത്തുകാര് ആദരപൂര്വം കൊണ്ടാടുന്ന ഉല്സവങ്ങളാണ്.
