സമുദ്രനിരപ്പില് നിന്നും ഏതാണ്ട് 8000 അടി ഉയരത്തിലാണ് ജാക്കുമല സ്ഥിതിചെയ്യുന്നത്. റിഡ്ജില് നിന്നും കേവലം 1 കിലോമീറ്റര് സഞ്ചരിച്ചാല് ഇവിടെയെത്താം. ഷിംലയിലെ ഏറ്റവും ഉയരം കൂടിയ കൊടുമുടിയാണിത്. അതുകൊണ്ടുതന്നെ അമ്പരപ്പിക്കുന്ന പ്രകൃതിദൃശ്യങ്ങള്ക്ക് പേരുകേട്ട ഇടം കൂടിയാണിത്. പ്രശസ്തമായ ജാക്കു ക്ഷേത്രം സ്ഥിതിചെയ്യുന്നത് ഈ കുന്നിന്മുകളിലാണ്. യക്ഷന് എന്ന പുരാണ കഥാപാത്രത്തില്നിന്നാണ് ജാക്കു എന്ന പേര് വന്നതെന്നാണ് വിശ്വാസം. മൃതഞ്ജീവനി തേടിവന്ന ഹനുമാന് ഈ മലയിലാണ് വിശ്രമിച്ചത് എന്നാണ് ഐതിഹ്യം. ട്രക്കിംഗാണ് ഇവിടത്തെ സഞ്ചാരികളുടെ പ്രിയവിനോദം.