ശൃംഗേരിയിലേക്കുള്ള യാത്രക്കിടെ സന്ദര്ശിക്കേണ്ടുന്ന മറ്റൊരിടമാണ് മലയാള ബ്രഹ്മ ക്ഷേത്രം. ക്ഷേത്രപാലകനാണ് മലയാള ബ്രഹ്മ ക്ഷേത്രത്തിലെ പ്രധാന പ്രതിഷ്ഠ. പ്രദേശവാസികള്ക്കിടയില് ഈ മൂര്ത്തി മലയാള ബ്രഹ്മ എന്നാണ് പൊതുവെ അറിയപ്പെടുന്നത്. വിദ്യ പകര്ന്നുനല്കാന് വിസമ്മതിച്ച മലയാളിയായ ഒരു ബ്രാഹ്മണന് ബ്രഹ്മരക്ഷസായി മാറിയെന്നതാണ് ഈ ക്ഷേത്രത്തിന് പിന്നിലെ ഐതിഹ്യം.
വിദ്യാരണ്യമുനി ഈ ബ്രഹ്മരക്ഷസ്സിനോട് ക്ഷേത്രപാലകനായി ഇവിടെ കുടിയിരിക്കാന് ആവശ്യപ്പെട്ടു എന്നാണ് വിശ്വാസം. ശാരദാംബ ക്ഷേത്രത്തിലേക്കുള്ള കവാടത്തിന് ഇടത്തുഭാഗത്തായാണ് മലയാള ബ്രഹ്മ ക്ഷേത്രം. കൈകളില് ഗദയുമേന്തിയാണ് ഇവിടെ ക്ഷേത്രപാലകന് ഇവിടെ കുടികൊള്ളുന്നത്.