കാശി, മിര എന്നീ രണ്ട് ഗ്രാമങ്ങളാണ് ഇത്. മനോഹരമായ ഭൂപ്രകൃതിയും തടാകങ്ങളുമാണ് ഇവിടുത്തെ പ്രധാന ആകര്ഷണം. വളഞ്ഞുപുളഞ്ഞുപോകുന്ന റോഡിലൂടെയാണ് കാശി മിരയില് എത്തേണ്ടത്. ഈ റോഡിലൂടെയുള്ള യാത്രക്കിടെ മനോഹരമായ തടാകങ്ങളും മലനിരകളും കാണാം. മുംബൈയിലെ ദഹിസര് എന്ന സ്റ്റേഷനില് നിന്നും ഇങ്ങോട്ട് സുഖകരമായി യാത്രചെയ്യാം. സെന്റ് ജെറോംസ് പള്ളിയാണ് കാശി മിര എന്നീ ഗ്രാമങ്ങളെ വേര്തിരിക്കുന്നത്. 1595ലാണ് ഈ പള്ളി നിര്മ്മിച്ചത്. ഇപ്പോള് ഇതിന് 400ലേറെ വര്ഷങ്ങളുടെ പഴക്കമുണ്ട്. ഇതിനിടെ മൂന്നുവട്ടം പള്ളിയ്ക്ക് അറ്റകുറ്റപ്പണികള് നടത്തിയിട്ടുണ്ട്. കാശി മിരയിലെ മറ്റൊരു വിശേഷം ഡിസംബര് മാസത്തില് ഇവിടെ നടക്കാറുള്ള മേളയാണ്, ഡിസംബര് 25, 26 തീയതികളിലാണ് എല്ലാവര്ഷവും മേള നടക്കാറുള്ളത്.