തിരുച്ചിറപ്പള്ളി നഗരത്തിന്‍െറ മധ്യഭാഗത്തുള്ള വിരലിമലൈ മലയുടെ മുകളിലാണ് ഈ മുരുക ക്ഷേത്രം സ്ഥിതി ചെയ്യുന്നത്. 207 പടികള്‍ കയറിവേണം ഇവിടെയത്തൊന്‍. പടിക്കെട്ടുകളോട് ചേര്‍ന്ന് തീര്‍ഥാടകര്‍ക്ക് ക്ഷീണമകറ്റാന്‍ മണ്ഡപങ്ങളും നിര്‍മിച്ചിട്ടുണ്ട്. നിരവധി വൈവിധ്യമാര്‍ന്ന ആചാരാനുഷ്ഠാനങ്ങള്‍ നടക്കുന്ന സ്ഥലമാണ് ഇവിടം. അതില്‍ പ്രധാനപ്പെട്ട ഒന്നാണ് ചന്ദനകുഴമ്പ് കൊണ്ട് നിര്‍മിച്ച ചുരുട്ട് മുരുക വിഗ്രഹത്തിന് നല്‍കുന്ന ചടങ്ങ്. നിരവധി മരങ്ങളും സസ്യലതാദികളും ക്ഷേത്രത്തിന് ചുറ്റുമുണ്ട്. പുരാതന കാലത്ത് ഈ മരങ്ങള്‍ക്ക്  കീഴില്‍ സന്യാസിമാര്‍ ധ്യാനനിമഗ്നരായി ഇരുന്നിരുന്നതായാണ് ചരിത്രം.

ക്ഷേത്രത്തിലും പരിസരത്തുമായി ധാരാളം മയിലുകളെയും കാണാം. നാരദമുനിയുടെയും കാശ്യപ മുനിയുടെയും വിഗ്രഹങ്ങളാണ് മറ്റൊരു ആകര്‍ഷണം. ക്ഷേത്രത്തിന്‍െറ തൂണുകളില്‍ നിരവധി കൊത്തുപണികളും കാണാം.