തിരുച്ചിയില് നിന്ന് ഒമ്പത് കിലോമീറ്റര് അകലെയാണ് 1200 വര്ഷം പഴക്കമുണ്ടെന്ന് കരുതപ്പെടുന്ന ഈ മുരുകക്ഷേത്രം സ്ഥിതി ചെയ്യുന്നത്. ആദി വയലൂര്,കുമാര വയലൂര്, വന്നി വയലൂര്,അഗ്നീശ്വരന് എന്നീ പേരുകളിലും ഈ ക്ഷേത്രം അറിയപ്പെടുന്നുണ്ട്. ശിവന്,നടരാജന്, ശ്രീ പോയാ ഗണപതി, വല്ലി, ദൈവാനൈ തുടങ്ങിയ പ്രതിഷ്ഠകളുള്ള ചെറുക്ഷേത്രങ്ങളും ഇവിടെയുണ്ട്. മറ്റുള്ളവയില് നിന്ന് ഭിന്നമായി രണ്ട് കാലുകളും നിലത്ത് കുത്തിയ അവസ്ഥയിലുള്ളതാണ് ഇവിടത്തെ നടരാജ വിഗ്രഹം.