മാഹേശ്വറിലെ ഏറ്റവും പേരുകേട്ട ക്ഷേത്രങ്ങളില് ഒന്നാണ് കാശി വിശ്വനാഥ ക്ഷേത്രം. പരമശിവന്റ പ്രതിരൂപമായ ജ്യോതിര്ലിംഗത്തിന്റെ നാടാണിത്. നിര്മാണ ചാതുര്യത്തിന് പേരുകേട്ട ഈ ക്ഷേത്രം അഹല്യാ ഭായി ഹോള്ക്കറാണ് നിര്മിച്ചത്. മാഹേശ്വറിലെ ടൂറിസം ആകര്ഷണങ്ങളില് പ്രധാനപ്പെട്ട ഒന്നാണ് ഈ ക്ഷേത്രം.
ഇവിടത്തെ ജ്യോതിര്ലിംഗ ദര്ശനം ഏറെ പ്രധാനപ്പെട്ടതായാണ് കരുതുന്നത്. രാജ്യത്തെ തന്നെ പ്രധാനപ്പെട്ട തീര്ത്ഥാടന കേന്ദ്രങ്ങളില് ഒന്നാണ് കാശി വിശ്വനാഥ ക്ഷേത്രം എന്ന കാര്യത്തില് സംശയമില്ല. ആയിരക്കണക്കിന് ആളുകളാണ് ഈ ക്ഷേത്രം കാണാനായി ഇവിടെയെത്തുന്നത്.