ആന്ധ്രപ്രദേശിലെ ഏറ്റവും പഴക്കം ചെന്ന അണക്കെട്ടാണിത്. 1891-92 കാലത്താണത്രേ ഈ അണക്കെട്ട് പണിതത്. ഇതും ഗോദാവരി നദിയ്ക്കു കുറുകെയാണ് പണിതിരിക്കുന്നത്. ജലസേചനമെന്ന ലക്ഷ്യത്തെ മുന്നിര്ത്തിയാണ് ഈ അണക്കെട്ടും പണിതത്. ശ്രീരാംസാഗര് റിസര്വോയറില് നിന്നും 50 കിലോമീറ്റര് അകലെയാണ് ഈ അണക്കെട്ട് സ്ഥിതിചെയ്യുന്നത്. ഈ രണ്ട് പദ്ധതികളെയും ഒന്നിപ്പിച്ച് പുതിയൊരു പദ്ധതിയ്ക്കായുള്ള ആലോചനകള് ഇപ്പോള് നടന്നുവരുകയാണ്.
സദര്മട്ട് അണക്കെട്ട് ഇപ്പോള് സഞ്ചാരികളുടെ ഇഷ്ടകേന്ദ്രങ്ങളില് ഒന്നാണ്. ഇവിടുത്തെ പ്രകൃതിസൗന്ദര്യം തന്നെയാണ് ആളുകളെ ഇങ്ങോട്ട് ആകര്ഷിയ്ക്കുന്നത്. മനോഹരമായ ഒരു പിക്നിക് കേന്ദ്രമാണിത്.