അക്ബര് നിര്മ്മിച്ച ഏറ്റവും വലിയ കോട്ടയാണ് അലഹബാദ് കോട്ട. 1583 ല് നിര്മ്മിച്ച് ഈ കോട്ട ആ കാലഘട്ടത്തിലെ ഏറ്റവും മികച്ച കോട്ടയായാണ് കണക്കാക്കുന്നത്. അലഹബാദിലെ ഗംഗ,യമുന നദികളുടെ സംഗമ സ്ഥലത്തായാണ് കോട്ട സ്ഥിതി ചെയ്യുന്നത്. രൂപകല്പനയിലും നിര്മാണത്തിലും ശില്പ ഭംഗിയിലും വേറിട്ടു നില്ക്കുന്ന ഈ കോട്ട വളരെ പ്രശസ്തമാണ്. നിലവില് ഇന്ത്യന് കരസേനയുടെ കൈവശമാണ് കോട്ട. കോട്ടയുടെ ഭൂരിഭാഗം ഭാഗങ്ങളിലും പ്രവേശിക്കുന്നത് തടഞ്ഞിട്ടുണ്ട്. എന്നാല് ചില ഭാഗങ്ങള് പൊതു ജനങ്ങള്ക്കായി തുറക്കുന്നുണ്ട്. അക്ഷയവത് അഥവ നശിക്കാത്ത വൃക്ഷം ഈ കോട്ടയിലുണ്ടെന്നാണ്് പറയപ്പെടുന്നത്.
എന്നാല്, സന്ദര്ശകര്ക്ക് പ്രവേശനമില്ലാത്ത ഭാഗത്തായതിനാല് കാണാന് കഴിയില്ല. ഉദ്യോഗസ്ഥരുടെ പ്രത്യേക അനുമതി വേണം ഈ സ്ഥലം സന്ദര്സിക്കാന്. കോട്ടയില് 10.6 ആടി ഉയരമുള്ള കല്ലില് തീര്ത്ത് അശോക സ്തംഭം ഉണ്ട്. 232 ബിസിയില് നിര്മ്മിച്ചതാണിതെന്നാണ് വിശ്വാസം. പുരാവസ്തു ഗവേഷകരെ സംബന്ധിച്ചും ചരിത്രകാരന്മാരെ സംബന്ധിച്ചും ഏറെ പ്രാധാന്യമുണ്ട് ഇതിന്.