കേരളത്തിലെ പ്രമുഖ ക്രൈസ്തവ തീര്ത്ഥാടന കേന്ദ്രമാണ് എടത്വ പള്ളി. വിശുദ്ധ ഗീവര്ഗീസിന്റെ പേരില് സ്ഥാപിതമായ പള്ളിയാണിത്. മാനസി രോഗികള്ക്കുംമറ്റും ഇവിടുത്തെ പ്രാര്ത്ഥന സുഖം നല്കുമെന്നാണ് വിശ്വസിക്കപ്പെടുന്നത്. പമ്പാനദിയുടെ തീരത്താണ് ഈ ദേവാലയം സ്ഥിതിചെയ്യുന്നത്. 1810ലാണ് ഈ പള്ളി സ്ഥാപിച്ചത്.
കോയില്മുക്കുപള്ളിയെന്നറിയപ്പെട്ട പള്ളിയാണ് പിന്നീട് എടത്വ പള്ളിയെന്ന് അറിയപ്പെടാന് തുടങ്ങിയത്. മധ്യകാലയൂറോപ്യന് ദേവാലയങ്ങളെ ഓര്മ്മിപ്പിക്കുന്നതാണ് എടത്വ സെന്റ് ജോര്ജ്ജ് ഫെറോന പള്ളിയുടെ നിര്മ്മാണം. തിരുവല്ലയില് നിന്നും 14 കിലോമീറ്റര് ദൂരമുണ്ട് ഇവിടേയ്ക്ക്. എല്ലാവര്ഷവും ഏപ്രില് 27 മുതല് മെയ് 7 വരെയാണ് വിശുദ്ധ വര്ഗ്ഗീസിന്റെ പെരുന്നാള് നടക്കുന്നത്.