ഗുജറാത്തിലെ ബനാസ്കാന്ത ജില്ലയിലാണ് ബലറാം അംബാജി വന്യജീവി സങ്കേതം സ്ഥിതി ചെയ്യുന്നത്. സമീപത്തുള്ള ബലറാം, അംബാജി എന്നീ ക്ഷേത്രങ്ങളുടെ പേരുമായി ബന്ധപ്പെട്ടാണ് ഈ വന്യജീവി സങ്കേതത്തിന് ബലറാം അംബാജി വന്യജീവി സങ്കേതം എന്ന പേര് ലഭിച്ചത്. 1989 ആഗസ്ത് 7ന് സ്ഥാപിതമായ ഈ വന്യജീവി സങ്കേതത്തില് ചെന്നാല് മുള്ളന്പന്നി, കഴുതപ്പുലി, നീലക്കാള, ഇന്ത്യന് വെരുക് എന്നിവയടക്കം നിരവധി ജീവികള് സൌര്യവിഹാരം നടത്തുന്നത് കാണാം. ഔഷധ സസ്യങ്ങളായ കടയ, ഗുഗല്, മുസലി തുടങ്ങിയവയും ഇവിടെ കാണാനാകും.