Click it and Unblock the Notifications
ബോട്ടിങ് ഉള്പ്പെടെയുള്ള വിനോദങ്ങള്ക്ക് സൗകര്യമുള്ള ഏറെ ആള്ത്തിരക്കുള്ള സ്ഥലമാണ് ലുംബിനി ഗാര്ഡന്സ്. ഔട്ടര് റിംഗ് റോഡില് ഹെബ്ബാള് കെംപാപുരയിലാണ് ലുംബിനി ഗാര്ഡന്സ്. 1.5 കിലോമീറ്റര് നീളമുള്ള പാര്ക്ക് നാഗവാര തടാകക്കരയിലാണ്. പാര്ക്കില് 25 ഉയരത്തിലൊരു ബുദ്ധ പ്രതിമയുണ്ട്, ബുദ്ധന്റെ ജന്മസ്ഥലമെന്ന സൂചനയിലാണ് ലുംബിനിയെന്ന് പാര്ക്കിന് പേരിട്ടത്. കുട്ടികള് ഏറെ ഇഷ്ടപ്പെടുന്ന തരത്തിലുള്ള വിനോദങ്ങളെല്ലാം ഇവിടെയുണ്ട്. കടല്ത്തീരമില്ലാത്തത് ബാംഗ്ലൂര് നഗരത്തിന്റെ വലിയൊരു കുറവായിട്ട് പറയാറുണ്ട്. എന്നാല് ലുംബിനിയിലെത്തിയാല് കുട്ടികള്ക്ക് ഈ കുറവ് മറക്കാം, കൃത്രിമമായി തിരമാലകളുണ്ടാകുന്ന ഒരു കുളമുണ്ട് ഇവിടെ.
