Search
  • Follow NativePlanet
Share
ഹോം » സ്ഥലങ്ങൾ» ബേലൂര്‍

ക്ഷേത്രനഗരമായ ബേലൂര്‍

16

സഞ്ചാരികളുടെ പറുദീസയാണ് കര്‍ണാടകം. ഏത് തരത്തിലുള്ള യാത്രകള്‍ ആഗ്രഹിക്കുന്നവരെയും തൃപ്തിപ്പെടുത്താന്‍ പോന്ന സ്ഥലങ്ങള്‍ കര്‍ണാടകത്തിലുണ്ട്. ചരിത്രം തേടിയെത്തുന്നവരാകട്ടെ, തീര്‍ത്ഥാടനമെന്ന ആഗ്രഹവുമായെത്തുന്നവരാകട്ടെ, പുത്തന്‍ നഗരാനുഭവങ്ങള്‍ തേടിയെത്തുന്നവരാകട്ടെ കര്‍ണാടകത്തിലെ ഓരോ ജില്ലകളിലുമുണ്ടാകും ഇതിനുള്ള സാധ്യതകള്‍. പോയകാലത്തിന്റെ സ്മൃതികളില്‍ ഇന്നും തലയുയര്‍ത്തി നില്‍ക്കുന്ന പല ചരിത്ര സ്മാരകങ്ങളും നമുക്ക് കര്‍ണാടകത്തിന്റെ വിവിധ ഭാഗങ്ങളില്‍ കാണാന്‍ കഴിയും. പഴയ ഭരണാധികാരികള്‍ നടത്തിയ നിര്‍മ്മാണങ്ങളും അമ്പരപ്പിക്കുന്ന പുരാതന നഗരപദ്ധതികളുമെല്ലാം പലേടത്തും കാണാം. ഇത്തരത്തിലൊരു സ്ഥലമാണ് ഹാസ്സന്‍ ജില്ലയിലെ ബേലൂര്‍. ക്ഷേത്രനഗരമെന്ന് ബേലൂരിനെ വിശേഷിപ്പിക്കാം. ഹൊയ്‌സാല സാമ്രാജ്യത്തിന്റെ ഭരണകാലത്ത് പണിതുയര്‍ത്തിയ ക്ഷേത്രങ്ങളും അനുബന്ധ കെട്ടിടങ്ങളുമാണ് ബേലൂരിനെ സഞ്ചാരികള്‍ക്ക് പ്രിയപ്പെട്ടതാക്കുന്നത്.

ബാംഗ്ലൂര്‍ നഗരത്തില്‍ നിന്നും 220 കിലോമീറ്റര്‍ അകലെയായാണ്‌ ബേലൂര്‍ സ്ഥിതി ചെയ്യുന്നത്. താമസത്തിനും ഭക്ഷണത്തിനുമെല്ലാം ഇവിടെ വേണ്ടും വിധമുള്ള സൗകര്യങ്ങളുണ്ട്. നേരത്തേ ബുക്ക് ചെയ്തും അല്ലാതെയുമെല്ലാം താമസസൗകര്യം ലഭ്യമാണ്. യാഗച്ചി നദീതീരത്തുള്ള ബേലൂരിനെ ദക്ഷിണ ബനാറസ് എന്നാണ് വിശേഷിപ്പിക്കുന്നത്. പ്രകൃതിഭംഗിയും നിറയെ ക്ഷേത്രങ്ങളുമാണ് ഈ വിശേഷണത്തിന് കാരണം.

ചരിത്രപ്രാധാന്യം

ഹൊയ്‌സാല സാമ്രാജ്യത്തിന്റെ തലസ്ഥാനമായിരുന്നു ഒരുകാലത്ത് ബേലൂര്‍. അവരുടെ മറ്റൊരു തലസ്ഥാനഗരമായിരുന്ന ഹാലേബിഡിലേയ്ക്ക് ബേലൂരില്‍ നിന്നും വെറും പതിനാറ് കിലോമീറ്റര്‍ അകലം മാത്രമേയുള്ളു. അതായത് ബേലൂര്‍ സന്ദര്‍ശിയ്ക്കുകയാണെങ്കില്‍ തീര്‍ച്ചയായും ഹാലേബിഡ് കൂടി കാണണം എന്നുതന്നെ. രണ്ടുനഗരങ്ങളും ഹൊയ്‌സാല വാസ്തുവിദ്യയുടെ മഹിമ വിളിച്ചോതുന്ന കെട്ടിടങ്ങളാലും ക്ഷേത്രങ്ങളാലും അനുഗ്രഹീതമാണ്. ബേലൂരിലെ ഏറ്റവും വലിയ ക്ഷേത്രം ചെന്നകേശവ ക്ഷേത്രമാണ്. വിഷ്ണുവാണ് ഇവിടെ പ്രതിഷ്ഠ. അമ്പരപ്പിക്കുന്ന കൊത്തുപണികളും അലങ്കാരവേലകളുമാണ് ക്ഷേത്രത്തിലുള്ളത്. കൊത്തിവച്ചിരിക്കുന്ന രൂപങ്ങളില്‍ പലതിനും ജീവനുണ്ടോയെന്ന് സംശയം തോന്നിപ്പോകും. ഒരു നൂറ്റാണ്ടിലേറെക്കാലമാണത്രേ  ക്ഷേത്രനിര്‍മ്മാണം നീണ്ടുനിന്നത്.ബേലൂരിലെ മറ്റൊരു പ്രധാനക്ഷേത്രം ദൊഡ്ഡഗഡവള്ളിയിലുള്ള ലക്ഷ്മി ദേവി ക്ഷേത്രമാണ്. കൂടാതെ ശ്രാവണബലഗോളയിലെ ഗോമടേശ്വര പ്രതിയും കണ്ടിരിക്കേണ്ടതുതന്നെ.

ബേലൂരിലെത്തുകയെന്നത് ഒട്ടും പ്രയാസമുള്ളകാര്യമല്ല. 38കിലോമീറ്ററകലെയുള്ള ഹാസ്സനാണ് സമീപ റെയില്‍വേ സ്‌റ്റേഷന്‍. കര്‍ണാടകത്തിലെ പ്രമുഖ നഗരങ്ങളില്‍ നിന്നെല്ലാം ബേലൂരേയ്ക്ക് സര്‍ക്കാര്‍ ബസ് സര്‍വ്വീസുകളുണ്ട്.

ബേലൂര്‍ പ്രശസ്തമാക്കുന്നത്

ബേലൂര്‍ കാലാവസ്ഥ

സന്ദര്‍ശിക്കാന്‍ പറ്റിയ സമയം ബേലൂര്‍

  • Jan
  • Feb
  • Mar
  • Apr
  • May
  • Jun
  • July
  • Aug
  • Sep
  • Oct
  • Nov
  • Dec

എങ്ങിനെ എത്തിച്ചേരാം ബേലൂര്‍

  • റോഡ് മാര്‍ഗം
    റോഡ് മാര്‍ഗവും ബുദ്ധിമുട്ടില്ലാതെ ബേലൂരിലെത്താം. മൈസൂര്‍, ബാംഗ്ലൂര്‍, മംഗലാപുരം, ഷിമോഗ, മടിക്കേരി, ചിക്കമംഗലൂര്‍, ഹാസ്സന്‍ എന്നിവിടങ്ങളില്‍ നിന്നെല്ലാം ഇവിടേയ്ക്ക് സ്റ്റേറ്റ് ട്രാന്‍സ്‌പോര്‍ട്ടേഷനും സ്വകാര്യവാഹനങ്ങളും സര്‍വ്വീസ് നടത്തുന്നുണ്ട്.
    ദിശകള്‍ തിരയാം
  • റെയില്‍ മാര്‍ഗം
    ഹാസ്സനാണ് ബേലൂരിനടുത്തായുള്ള റെയില്‍വേ സ്‌റ്റേഷന്‍, തീവണ്ടിയിറങ്ങി 40കിലോമീറ്ററോളം സഞ്ചരിച്ചാല്‍ ബേലൂരില്‍ എത്താം. ബാംഗ്ലൂര്‍, മൈസൂര്‍, മംഗലാപുരം തുടങ്ങിയ നഗരങ്ങളില്‍ നിന്നെല്ലാം തീവണ്ടിമാര്‍ഗം ഇവിടെയെത്താം. തീവണ്ടിയിറങ്ങിയാല്‍ ടാക്‌സിയിലോ ബസിലോ ബേലൂരിലേയ്ക്ക് പുറപ്പെടാം.
    ദിശകള്‍ തിരയാം
  • വിമാനമാര്‍ഗം
    മംഗലാപുരം അന്താരാഷ്ട്രവിമാനമാണ് ബേലൂരിന് ഏറ്റവും അടുത്തായിട്ടുള്ളത്. വിമാനത്താവളത്തില്‍ നിന്നും റോഡ് മാര്‍ഗം 169 കിലോമീറ്റര്‍ സഞ്ചരിച്ചാല്‍ ബേലൂരിലെത്താം. പ്രമുഖ ഇന്ത്യന്‍ നഗരങ്ങളില്‍ നിന്നും വിദേശരാജ്യങ്ങളില്‍ നിന്നുമെല്ലാം ഇവിടേയ്ക്ക് വിമാനസര്‍വ്വീസുകളുണ്ട്.
    ദിശകള്‍ തിരയാം
One Way
Return
From (Departure City)
To (Destination City)
Depart On
15 May,Sat
Return On
16 May,Sun
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
15 May,Sat
Check Out
16 May,Sun
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
15 May,Sat
Return On
16 May,Sun