Click it and Unblock the Notifications
ബോര്ഡി വില്ലേജില് നിന്നും എട്ട് കിലോമീറ്റര് ദൂരത്തിലാണ് ബഹ്രോട്ട് ഗുഹകള് സ്ഥിതി ചെയ്യുന്നത്. സഞ്ജാനില് നിന്നും ഏകദേശം 20 കിലോമീറ്റര് ദൂരമുണ്ട് ഇവിടേക്ക്. ഏതാണ്ട് 1500 അടിയോളം ഉയരത്തിലുള്ള ബഹ്രോട്ട് കുന്നുകളിലാണ് ഈ ഗുഹകളുള്ളത്. പാഴ്സികള്ക്ക് മതപരമായി വളരെയധികം പ്രധാന്യമുള്ളതായി ഈ ഗുഹകളെ കണക്കാക്കുന്നു.
എ ഡി 1351 മുതല് നീണ്ട 13 വര്ഷക്കാലം സൗരാഷ്ട്രിയന്മാരുടെ പൂര്വ്വികര് ഈ ഗുഹയില് താമസിച്ചിരുന്നതായാണ് വിശ്വാസം. മുസ്ലിം അധിനിവേശകരില് നിന്നും രക്ഷ നേടാനായിരുന്നു ഇത്. ഈ കുന്നിന്മുകളിലെ ഇറാനിയന് ഫയര് ടെംപിളില് നിന്നും അവര്ക്ക് അനുഗ്രഹം ലഭിച്ചതായി കരുതപ്പെടുന്നു. പിന്നീട് പവിത്രമായ ഈ വിളക്ക് ബഹ്രോട്ട് ഗുഹകളിലേക്ക് മാറ്റുകയായിരുന്നു.
അതിനുശേഷം ഇതവരെയും ഈ വിളക്ക് കെടാതെ സൂക്ഷിച്ചുവരുന്നതായും വിശ്വസിക്കപ്പെടുന്നു. ഈ പൂര്വ്വികര്ക്ക് ആദരമര്പ്പിക്കുന്ന നിത്യപൂജകളില് ഇവിടെയെത്തുന്ന സന്ദര്ശകര്ക്കും പങ്കെടുക്കാന് സാധിക്കും.
