ഉത്തരേന്ത്യയിലെ ഏറ്റവും പുരാതനമായ ക്ഷേത്രങ്ങളില് ഒന്നായ ദശാവതാര ക്ഷേത്രത്തിലെ പ്രധാന പ്രതിഷ്ഠ വിഷ്ണുവാണ്. ഗുപ്തകാലഘട്ടത്തിലാണ് ഈ ക്ഷേത്രം നിര്മ്മിച്ചതെന്ന് പറയപ്പെടുന്നു. ഏറെക്കുറെ തകര്ന്നു കഴിഞ്ഞ ക്ഷേത്രത്തില് വിഷ്ണുവിന്റെ പത്ത് അവതാരങ്ങളും ചിത്രീകരിച്ചിട്ടുണ്ട്. ഇതിന് പുറമെ ഗംഗാദേവിയുടെയും യമുനാദേവിയുടെയും വിഗ്രഹങ്ങളും ഇവിടെ കാണാം.
ശ്രീകോവിലിലേക്ക് നീളുന്ന കവാടത്തിലാണ് ഈ രൂപങ്ങള് കൊത്തിവച്ചിരിക്കുന്നത്. വൈഷ്ണവ വിശ്വാസവുമായി ബന്ധപ്പെട്ട നിരവധി കൊത്തുപണികളും ഈ ക്ഷേത്രത്തിലുണ്ട്. നരനാരായണ തപസ്യ ചെയ്യുന്ന വിഷ്ണു വിഗ്രഹവും അനന്തന്റെ മേല് ശയിക്കുന്ന വിഷ്ണു വിഗ്രഹവും ഈ ക്ഷേത്രത്തിലെ മറ്റൊരു സവിശേഷതയാണ്.
ദശാവതാര ക്ഷേത്രം ഹിന്ദുക്കളുടെ പ്രധാനപ്പെട്ട ഒരു തീര്ത്ഥാടന കേന്ദ്രമാണ്. അതുകൊണ്ട് എപ്പോഴും ഇവിടെ ഭക്തജനത്തിരക്ക് അനുഭവപ്പെടാറുണ്ട്, പ്രത്യേകിച്ച് ഉത്സവ സമയങ്ങളില്. ശികാര ഉണ്ടായിരുന്ന ആദ്യകാല വടക്കേ ഇന്ത്യന് ക്ഷേത്രം കൂടിയാണ് ദശാവതാര ക്ഷേത്രം.