Click it and Unblock the Notifications
ഒഡീഷയിലെ ഏറ്റവും മികച്ച ബീച്ചുകളിലൊന്നാണിത്. ഗഞ്ചാം ജില്ലയിലാണ് സോനേപൂര്‍ ബീച്ച് സ്ഥിതി ചെയ്യുന്നത്. ആന്ധ്രപ്രദേശ്, ഒറീസ്സ എന്നിവയുടെ അതിര്‍ത്തിയിലാണ് ഈ ബീച്ച്. ഇവിടേക്ക് തെക്കന്‍ സംസ്ഥാനങ്ങളില്‍ നിന്ന് സുഗമമായി എത്തിച്ചേരാം. ബഹുദാ നദിയെയും, സമുദ്രത്തെയും കരയില്‍ നിന്ന് വേര്‍തിരിച്ച് നിര്‍ത്തുന്നതാണ് ഈ കടല്‍ത്തീരം.
മനുഷ്യന്‍ അധിനിവേശം നടത്തി കോട്ടം വരുത്താത്ത മനോഹരമായ ഒരു കടല്‍ത്തീരമായാണ് സോനേപൂരിനെ പരിഗണിക്കുന്നത്. ബെര്‍ഹാംപൂരില്‍ നിന്ന് 10-12 കിലോമീറ്റര്‍ ദൂരെയാണ് ഈ തീരം. നദിയും, ബംഗാള്‍ ഉള്‍ക്കടലും കൂടിച്ചേരുന്ന സംഗം പോയിന്‍റിലേക്ക് ബോട്ട് സര്‍വ്വീസുണ്ട്.
ഗോപാല്‍പൂര്‍ സന്ദര്‍ശിക്കുന്നവര്‍ മനോഹരമായ ഈ കടല്‍ത്തീരവും സന്ദര്‍ശിക്കണം. സഞ്ചാരികള്‍ക്ക് ഇവിടെ കുതിര സവാരിയും ആസ്വദിക്കാം.
