Click it and Unblock the Notifications
നിക്കോബാര് ദ്വീപു സമൂഹത്തിലെ ഏറ്റവും വലിയ ദ്വീപാണ് ഗ്രേറ്റ് നിക്കോബാര്. ഇവിടെയാണ് ഇന്ദിരപോയിന്റ്. വ്യത്യസ്തമായ സസ്യജന്തുജാലങ്ങള്ക്ക് പേരുകേട്ടതാണ് ഈ ദ്വീപ്. ഒട്ടനേകം തരത്തില്പ്പെട്ട കടല്ജീവികളും പക്ഷികളും പൂച്ചെടികളും ഇവിടെ കാണാം. പ്രകൃതി തന്നെയാണ് ഇവിടുത്തെയും താരം. ശാന്തമായ പ്രകൃതികാരണം ഇവിടം പ്രധാനപ്പെട്ട ഒരു ഹണിമൂണ് ലൊക്കേഷനായി മാറിക്കൊണ്ടിരിക്കുകയാണ്. പോര്ട് ബ്ലെയറില് നിന്നും പവന് ഹാന്സ് ഹെലികോപ്റ്ററുകളില് ഇവിടെയെത്താം. ഇതുകൂടാതെ ബോട്ടുകളും ഫെറി സര്വ്വീസുകളുമുണ്ട്. ബോട്ടിലാണ് യാത്രയെങ്കില് യാത്രാമദ്ധ്യേ ലിറ്റില് നിക്കോബാര്, നാന്കോവ്രി, കാര് നിക്കോബാര് തുടങ്ങി ഒട്ടേറെ മറ്റ് കാഴ്ചകളും കാണാന് കഴിയും.
കാംപ്ബെല് ബേ നാഷണല് പാര്ക്ക് ആണ് ഗ്രേറ്റ് നിക്കോബാറിലെ പ്രധാന ആകര്ഷണകേന്ദ്രം. ഇന്ദിര പോയിന്റ് കഴിഞ്ഞാല് ആളുകള് ഏറെയെത്തുന്ന ഒരു സ്ഥലമാണിത്. നിക്കോബാര് സ്ക്രബ് ഫൗള്, നിക്കോബാര് മെഗാപോഡ് തുടങ്ങി അപൂര്വ്വയിനത്തില്പ്പെട്ട ഒട്ടേറെ പക്ഷികളെ ഇവിടെകാണാം. ഫോട്ടോഗ്രാഫി പ്രിയരുടെ പ്രത്യേകിച്ചും വന്യജീവി ഫോട്ടോഗ്രാഫര്മാരുടെ ഇഷ്ടകേന്ദ്രംകൂടിയാണ് ഈ നാഷണല് പാര്ക്ക്.
