ജെയ്പൂര്‍ നഗരത്തില്‍ നിന്നും അധികം അകലെയല്ലാതെ സ്ഥിതിചെയ്യുന്ന ഗ്രാമമാണ് ഇത്. മനുഷ്യനിര്‍മ്മിതമായ ഒരു തടാകവും വന്യജീവി സങ്കേതവുമാണ് ഇവിടുത്തെ പ്രധാന ആകര്‍ഷണം. പക്ഷിനിരീക്ഷകരെ സംബന്ധിച്ച് സ്വര്‍ഗ്ഗമാണ് ഈ തടാകം എന്നുപറയാം, അത്രയേറെ തരത്തില്‍പ്പെട്ട പക്ഷികളാണ് ഈ തടാകത്തിലും പരിസരത്തുമുള്ളത്. വന്യജീവിസങ്കേതത്തിലാണെങ്കില്‍ പലതരം വൃക്ഷലതാദികളും ജന്തുജാലങ്ങളുമുണ്ട്. സഞ്ചാരികള്‍ക്ക് ജങ്കിള്‍ സഫാരിയ്ക്ക് സൗകര്യമുണ്ട്. ഒട്ടേറെ ക്ഷേത്രങ്ങള്‍, ഹവേലികള്‍, പുരാതനമായ കോട്ടകള്‍ എന്നിവയും ഈ ഗ്രാമത്തില്‍ കാണാം. ജയ്പൂരിലെ പഴയകാല ഭരണാധികാരികളുടെ സ്മാരകങ്ങളും ഇവിടെയുണ്ട്.