കേദാര്‍നാഥിലെ പ്രധാന ട്രെക്കിംഗ് കേന്ദ്രമാണിത്. സമുദ്രനിരപ്പില്‍ നിന്നും 1982 മീറ്റര്‍ ഉയരമുണ്ട് ഇവിടേയ്ക്ക്. പാര്‍വതി ദേവിയുടെ പുരാതന ക്ഷേത്രം ഇവിടെ കാണാന്‍ സാധിക്കും. ഈ പ്രദേശത്ത് നിന്നാണ് പരമശിവനെ ഭര്‍ത്താവായി ലഭിക്കാന്‍ പാര്‍വതി ദേവി തപസ്സനുഷ്ടിച്ചതെന്നു കരുതപ്പെടുന്നു.  ചൂടുവെള്ളമൊഴുകുന്ന അരുവി ഇവിടെ കാണാം. ഔഷദ ഗുണമുള്ള ഈ ജലത്തിന് ഭക്തരുടെ പാപങ്ങള്‍ കഴുകി കളയാനുള്ള ശക്തിയുണ്ടെന്നു വിശ്വസിക്കപ്പെടുന്നു.