കോവളം ബീച്ചില് നിന്നും ആറ് കിലോമീറ്റര് ദൂരത്തുള്ള മത്സ്യബന്ധന ഗ്രാമമാണ് ചൊവ്വര. വിഴിഞ്ഞത്തിന്റെ തെക്കേ അറ്റത്താണ് ഈ കടപ്പുറം. മനോഹരമായ വെളളമണല് വിരിച്ച നെടുനീളന് കടല്ത്തീരമാണ് ചൊവ്വരയിലെ പ്രധാന ആകര്ഷണം. ചൊവ്വര ബീച്ചിന് സമീപത്തുള്ള മറ്റൊരു നീളന് ബീച്ചാണ് അഴിമലത്തുറ.
സ്കൂട്ടറിലും നടന്നും ആളുകള് ഈ ബീച്ച് ചുറ്റിക്കാണുന്നു, ഗിയറില്ലാത്ത സ്കൂട്ടറുകള് ഇവിടെ വാടകയ്ക്ക് ലഭിക്കും. പ്രശസ്തമായ ഒരു അയ്യപ്പക്ഷേത്രമുണ്ട് ഈ ബീച്ചില്, മണ്ഡലകാലമാണ് പ്രധാന ഉത്സവകാലം. പഴമയും പുതുമയും സമ്മേളിക്കുന്ന നിരവധി കാഴ്ചകളുള്ള ഈ ബീച്ചിലേക്ക് നിരവധി സഞ്ചാരികള് എത്തിച്ചേരുന്നു.