ലാഡ്നൂമില് നിന്നും 25 കി മീ അകലെയാണ് താല് ഛാപ്പര് വന്യ ജീവി സങ്കേതം. ഇന്ത്യയില് സവിശേഷമായി കാണപ്പെടുന്ന കൃഷ്ണ മൃഗങ്ങള് അല്ലെങ്കില് കറുത്ത മാനുകള് ഇവിടത്തെ വന്യ ജീവി സങ്കേതത്തില് ഉണ്ട് . അക്കേഷ്യ , പ്രോസോപിസ് മരങ്ങള് ധാരാളമായുള്ള ഈ വന്യ ജീവി കേന്ദ്രം ഒരു പച്ച പിടിച്ച പുല് പ്രദേശം പോലെ തോന്നിക്കും. ഋതുഭേദം അനുസരിച്ച് ജീവജാലങ്ങള്ക്ക് സഹായകമായി പ്രകൃതി തന്നെ കനിഞ്ഞു കൊടുത്ത ചില ജലാശയങ്ങള് ഇവിടെ ഉണ്ടായിത്തീരാറുണ്ട് .
ഈ വന്യ ജീവികേന്ദ്രം പ്രാദേശികമായി മോത്തിയ എന്ന് വിളിക്കുന്ന ഒരു തരം പുല്ലിനു പേരുകേട്ടതാണ്. മോത്തിയ എന്നാല് മുത്ത് , പവിഴം എന്നൊക്കെയാണ് അര്ഥം.ഈ പുല്ച്ചെടിയുടെ വിത്തുകള് മുത്തുപോലെ തോന്നിക്കും ; അതിനു ചെറിയ മധുരവും ഉണ്ട്. കൃഷ്ണ മൃഗങ്ങള്ക്കും പക്ഷികള്ക്കും ഭക്ഷണമായി കൊടുക്കുന്ന ഈ പുല് വിത്തുകള് സഞ്ചാരികള്ക്കും കഴിക്കാം. താല് ഛാപ്പര് വന്യ ജീവി സങ്കേതം ഹാരിയര് എന്ന ഇനം ദേശാടനപ്പക്ഷികളുടെ വിശ്രമ സങ്കേതമാണ്.
സെപ്തംബറില് ഇവയെ ധാരാളമായി ഇവിടെ കാണാം. കൂടാതെ , ഇമ്പീരിയല് ഈഗ്ള് , തവിട്ടു നിറമുള്ള കഴുകന്, തുടങ്ങി പലതരം ഗരുഡന്മാരേയും കുരുവികള്, ചെറിയ പച്ച നിറത്തിലുള്ള തേനീച്ച തീനിക്കിളികള്, വാനമ്പാടികള് ,ക്രസ്റ്റെട് ലാര്ക്ക് ,പല ഇനം പ്രാവുകള് , നീല നിറക്കാരന് സ്വര്ണ്ണ തലയന് കിളി, ഞാറപ്പക്ഷി എന്നിങ്ങനെ വിവിധയിനം കിളികള് പക്ഷി സ്നേഹികളായ സഞ്ചാരികളെ ആനന്ദിപ്പിക്കും.
ദേശാടന പ്പക്ഷികളായ കൊക്കുകളും യൂറേഷ്യ യില് നിന്നും ഇവിടെയെത്തും.കൃഷ്ണ മൃഗങ്ങളെ കൂടാതെ മരുഭൂമിയില് മാത്രം കാണുന്ന കുറുക്കന്മാര്, പൂച്ചകള്, തിത്തിരപ്പക്ഷികള്,കുളക്കോഴികള് ഇവകളേയും കാണാം .