Click it and Unblock the Notifications
മിനിക്കോയ് ദ്വീപ്, മാലിക്കു അട്ടോള് തുടങ്ങിയ പേരുകളിലും മാലിക്കു ദ്വീപ് അറിയപ്പെടുന്നു. ലക്ഷദ്വീപിന്റെ തെക്കേ അറ്റത്തുള്ള ദ്വീപുകളിലൊന്നാണിത്. ലക്ഷദ്വീപിന്റെ ഭാഗമാണെങ്കിലും മാലിദ്വീപിനോട് ഏറെ ബന്ധങ്ങള് പുലര്ത്തുന്നതും സാമ്യമുള്ളതുമായ ഒരു പ്രദേശമാണിത്. പത്ത് കിലോമീറ്റര് നീളവും 1 കിലോമീറ്റര് വീതിയുമാണ് മാലിക്കു ദ്വീപിന്റെ വിസ്തീര്ണം. ഇന്ത്യയും മാലിദ്വീപും തമ്മിലുള്ള കരാറിന്റെ ഭാഗമായി 1976 ലാണ് മിനിക്കോയ് ഇന്ത്യയുടെ ഭാഗമാകുന്നത്.
1982 കാലങ്ങളില് ഈ ദ്വീപിനെച്ചുറ്റിപ്പറ്റി ചില രാഷ്ട്രീയ വിവാദങ്ങളും ഉണ്ടായിരുന്നതായി കാണാം. തെങ്ങുകളും ബോട്ടുകളും നിറഞ്ഞ് മനോഹരമായ കാഴ്ചയാണ് മിനിക്കോയ് ദ്വീപ് സഞ്ചാരികള്ക്കായി ഒരുക്കുന്നത്. ലക്ഷദ്വീപിലെ എന്നപോലെ തന്നെ സഞ്ചാരികള്ക്ക് വളരെ ഇഷ്ടമാകുന്ന ഭക്ഷണവും സൗകര്യങ്ങളുമാണ് ഇവിടെയും. മനോഹരമായ ഈ ദ്വീപിലേക്ക് ഒരു പകല് യാത്രയില്ലാതെ ലക്ഷദ്വീപ് യാത്ര പൂര്ണമാകില്ല.
